✔ 最佳答案
hello, 我係亞紫,係zing the make up school讀緊化妝。
呢個係我地會用的方法,你可以試下。
1、濕粉撲和乾粉撲
- 用紅威寶清洗,首先將個撲弄濕,然後倒D紅威寶係骯髒的地方,在放5分鐘,然後一邊沖水,一邊用手指按壓個撲,直至到無顏色和無泡,洗得好乾淨架,洗完後就自然風乾。
(推薦你用NARS出的粉紅色的濕粉撲,非常容易清洗,又耐用)
****濕粉撲最後每次用完都洗,因為咁樣比較符合衛生,避免細菌滋生
2、清洗化妝掃
- 想快的可以用專用的洗掃水,推薦你用MAC的洗掃水,唔需要過水,直接倒在紙巾上,然後將掃來回刷直至無色為止﹔無論係纖維或毛質的掃都適合
- 想好好保養毛質的掃就最好定期用洗頭水來清洗,倒幾滴落個杯到,然後倒入少量清水,浸過筆頭就可以了,然後向同一個方向攪拌,再過水,直至無色為止。清洗完後,可以直接倒護髮素落D毛度,然後放埋一邊等30分鐘,然後再沖洗,你會發現D毛柔軟左好多。
- 如果你支掃用來掃過cream妝的眼影或眼線,就一定要用手指來洗,亦需要用紅威寶來洗,唔可以就咁攪。
***洗掃後記住用手順番D毛,同整番好個形狀,然後自然風乾,千萬唔好用風筒吹!
你試下啦,希望幫到你^^