有關搵製衣廠做貨疑問

咁好難講, 因為你數量太少, 我當你一個款十件, 是否已經分了色? 人家肯替你做, 大都只為了 "sip" 期, 起碼你可以找到人做出來, 先賣出街, 過後人家copy了, 也無可厚非! 這是我的個人見解, 因為我都是你所講的自家品牌, 再搵廠做. 唯一方法就是要出款出得快, 第一批做完就即賣, 接著第二三批的出貨, 這樣就可多些新款, 比如你這季出了一百個款, 打你點都有五十個款賣得嘛!! 廠家就算抄, 也盡可能抄你十個八個款, 因為佢地做貨是比較大量, 你都知做一個款要投支多少錢, 假設佢地抄你一個款, 做四個色, 起碼要賣四條布, 這都好幾千元, 是嗎?
你只做這麼少量, 還要跟對方列明合約, 你估廠會"彩"你? 所以唯一方法, 就是出款快. 就算他們用了你的款, 就隻眼開隻眼閉, 起碼你的款好, 人家才用, 你這一招, 還可以用來跟廠家討價還價, 你可這樣跟他們說: " 你用了我的款, 無問題, 你將來若有合用可以拿去用, 但給我做貨的價錢要平宜點! " 記緊還要說得好聽一點, 就話你用無所謂, 但就最好等我賣一段時間先啦......
這條計, 我用過好多次, 而且都work!!
祝你好運, 生意興隆