九寨溝自由行資料

1.) 我想今年年底去. 9月, 10月定11月去,景色會靚啲呢?
答︰最好係10月中至尾去，因為可以見到紅葉，又過左十一黃金週，無咁多大陸旅客迫。如果11月先去可能會好凍。

2.) 唔跟團, 自己去會唔會好麻煩? 例如: 交通, 住宿等適唔適合自由行呢?
答︰如果你係搭飛機去就一啲都唔麻煩，因為機場有車直到九溝。但如果你搭其他交通工具就會几辛苦下。

3.) 九寨溝內有毋青旅舍? 邊間酒店平得嚟環境又衛生呢?
答︰九溝內不可居住，更加無青年旅舍。你可以喺溝外附近啲賓館住，但如果你想平又住得好一定無可能。除非你肯比500-600住喜來登嗰啲高級酒店…但係其實出面啲賓館都係差唔多，但價錢一定會平好多。記得要殺價，由其係一個女仔去，好多都肯平啲比你住。但最好唔好去一間叫九通賓館，我上次去住九通賓館，我明明lock好晒啲門，但係都比人開左，好彩無唔見到野。

4.) 9-11月去, 住宿大概要幾錢一晚?
答︰我上次住九通就100蚊一晚，當然我係殺過價啦，佢本來開我160一晚嫁。但如果你十月去係超旺季，房價你預個double就穩陣啲。

5.) o向旅行社book同walkin囉房, 個價邊個底啲?
答︰梗係walkin殺價抵啲啦，但係因為你十月真係超旺季，如果你想要好啲的房，你book定穩陣啲，如果唔想比旅行社賺個佣，你可以上網book。

6.) 網上book又可唔可靠呢?
答︰九溝嗰邊我就真係唔知啦，因為我上次真係去到邊就是但問間咋。但係其實應該無問題，因為我見佢地都會睇住部電腦做野。

7.) 入場費同其他開支要預幾錢倒?
答︰九溝入場費如果無記錯係二百几蚊，買完飛記住同佢講你要玩兩日，佢就會同你影低你個樣，第二日攞番張飛可以再入過。佢有一架旅遊巴士比你搭，最好買埋，都係90蚊之嘛，因為行會行死你。

8.) 重有,嗰道啲治安如何? 適唔適合單身女仔一個人去呢? 9-11月會唔會無咩遊人, 求助無門呢?
答︰我上次都係一個女仔去之嘛，九溝ok架。係成都好似差啲姐。而且9-11月係九溝最旺的季節，一定唔會求助無門。你唔好太多要求就得啦。

p.s.︰你最好預多少少錢帶過去，因為九溝得一間銀行，多人到死，仲要唔係好理啲香港人，我上次唔係好夠錢用，唸住入去唱多二佰蚊，但係啲人一個又一個咁入黎打尖，最慘就係啲人見到你係想兌二佰蚊都唔多願睬你，寧願去招呼打尖嗰啲股票人…唉…最後好彩有個當地男人主動幫我換，我初初都唔係好信佢，因為你知大陸人好多都係賊樣啦，但係佢唱比我啲錢又真係用到喎。好彩！
- 仲有，帶定件褸，因為嗰度可能海拔高，夜晚會好凍！

如果你有十日假以上，建議你去埋成都同黃龍參觀下！

1. 9-11月係九寨最靚既幾個月，好多人都會去睇紅葉

2. 當然會比較煩，但又無話唔可以自由行既

3. 應該無，據知九寨入面只有兩間酒店九寨天堂同喜來登

4 - 5.
住宿當然較貴，以旺季黎計，通常旅行社d房會平d
同埋唔驚到時無房
因為旅行社攞到既始終係團體價

6.
至於網上booking
最好攞返d大型旅行社咁會比較穩陣
c-trip, e-long, 芒果網到ok
但留意大陸好多旅行社book酒店都會以前台面付既方式比錢
即係去到check-in 先比錢
如果你較夜到達酒店，記得同佢講late check-in
因為面付並不會保證幫你hold房

7.
而家大陸好多景點都加左好多收費
景點入場費、環保車等等...
可能要成六百幾至八百幾
你預一千蚊做景點既錢會穩陣d

1)建議你10月中去, 因為9月樹未變色, 10月初國慶假期, 11月開始冷了有機冷了,去旅行有D煩, 因為當地冷天是非常乾燥的, 邢且部份的賓館未有十分好的暖氣
2) 如果你想自己去, 現在的九塞溝景點已不可住遊客了, 交通方面在景點內一定要坐景點內的專車, 所以只要你在四川落機後, 搭上接往九寨溝的專車即可,另一方面由於每日的門票有限數量, 所以要預訂門券
3) 酒店有平有貴, 但要小心因為有D不良的酒店在你CHECK-IN後, 才告訴你不能收港客,再介紹你去其他酒店(這是我剛剛在5月旅行蘇州時發生的)
4) 如果你WALKIN可以先看房再決定,但如果你想住近景點, 就一定要BOOK房, 因為9-11月是旺季
7)唔知你要玩幾多日, 同時食, 住的要求, 所以好難預計
一個人去旅行無論那兒都要小心D, 尤其九塞溝是小數民族居住的地方