購買數碼相機要應比較那些基本功能??

小弟有小小意見分享, 如買輕便數碼相機, 我會最先考慮電力問題, 因為很多輕便的數碼相機是採用專用的充電池, 很多公司在售賣時會標明每次充電後可以拍攝數量, 但必須留意它們標示的張數後有否講明以-CIPA標準-作測試, 如果無標明, 生產商話可以影500張都好值得懷疑, 如以CIPA標準, 一般充電後可以影到300-350張已經很滿意, 其次選擇係它的光學變焦, 輕便機通常都係三倍, 數碼變焦可以十倍都無用, 因為數碼變焦越ZOOM得近, 相片質素會大大下降. 再要選擇的就係價錢, 看看自己的袋內有多少錢吧....其次就係近期流得用在輕便機中的28mm廣角鏡頭, 雖然它可以影闊些, 但其實除非距離有限制, 否則行後兩部都可以影得晒. 28mm鏡頭唔係唔好, 但比起以前較常用在輕便機的35mm鏡頭, 28mm鏡頭變形比較嚴重, 仲有現時常說的甚麼防手震, 這就必需留意, 因為防手震都有分別, 有些是光學防震, 一些係電子防震, 例如iso防震, 最好梗係光學個隻, 但選擇不多, iso防震它只是自動將你部機的iso值提高, 即感光度提高, 令震動減低, 但雜訊非常之高.其餘的就係機本身使用甚麼記憶卡, 應找些使用普及卡的型號, 最好就用sd咭, 因為普及而價錢平, 2gb都係佰多元.

第一要比較有效像素愈高愈好
第二要比較鏡片焦距
第三要比較連拍速度
第四要比較閃燈範圍
第五要比較變焦能力
最重要都是這五點