中七重讀問題

下？上面個幾個人既回答幾不負責任，令到我好憤怒！你比左咁少資料佢地就妄下判斷，佢地知唔知咁會害左人地一生？希望以下我既答案可以比到你少少參考。

我今年係一個自修生，本身我舊年個成績(Chin:C Eng:D Chin Lit:D Econ:D Geog:F)入左Poly (HD) Fashion and Textlie，不過由於我本身唔係咁想讀，加上得到前輩既支持，我決定以一個自修生既身份重讀，一邊係補習社做兼職，一邊讀書。而我今年個成績又唔錯(Chin:C Eng:C Chin:D Econ:C Geog:C)，雖然都重比預期低，但我都幾肯定自己可以入到心儀科目。

對於你個case，我想知：
1.你重讀打算自修定返學校？
2.如果自修，你係咪一個好有定力且可以維持到一年既人？
3.如果返學校，你知唔知由邊d老師教？教得好唔好？好既老師多定廢老師多？如果你唔返學校時，你可唔可以搵d好老師幫忙？
4.你係文科生定理科生？

我既睇法係咁：既然你班老師教左你兩年，而且（應該）已經將高考所要學既知識都教左比你，但你個成績都唔好，咁再比佢地教多一年都冇咩用，除非今年個d老師真係教得好好（因為學校教高考班d老師年年唔同）。其實你就算唔係學校重讀，你都可以返去搵有用個d老師幫你；加上作為一個學生，你都知道返學幾既時間係幾咁長，而當中又有幾少時間真係教書。況且你又唔係未返過學，未返過學就話要體驗一下校園生活姐。我既意思係咩，你明啦。

補習方面，我唔知你係文定理科生，暫時比唔到意見你，sorry。

如果你想再要多d意見，你可以send email到[email protected]呀，我可以比個cell phone no.你，同你傾一下。因為我去年都係得到前人既幫助，至有今日。我都希望可以幫番d後來者:)

重讀中七好辛苦，不值得。AL不理想，可考慮ive 課程，各大專院校的副學士課程，而將AL不理想科目，重報考。
我有個學生，去年一面謮副學士課程，一面自修，重考想取優良的科目，今年高考得償所願，她相信自 己能順利入大學了。

1)依我個人意見，我認為如果你要選擇補習社既話，遵理會比較好。
我覺得佢d校風相對其實補習社好，咁你先會有心機讀。

2)重讀中七，當然只係依照學校進度睇下教到邊而繼續教，唔會因為有重讀生，而將所有 野重頭教一次。

3)如果你真係好想入degree，而你對於重讀有信心既話，都係唔錯既選擇。
但如果你今年已經好盡力，但都考得唔好，咁你就最好唔好重讀，好明顯預科d課程唔岩你讀。

希望可以幫到你啦^^