點追男仔?

[有過唔愉快既戀愛經驗,所以話依家仲後生唔想拍拖住]，可能係藉口

女追男，如果女既係靚，9成9會成功，如果女仔係扒，男仔條件又唔錯，多數唔會成功，除非佢好濫

女仔追男仔同女大過男,係未會唔矜貴呀?

某D男仔會介意，矜唔矜貴，就視乎佢係咪真正愛你。

2007-07-01 02:09:32 補充：
我就黎27歲啦，我睇你好似好急咁，你係咪未拍過拖?太心急，小心嚇走人，而且要諗清楚，係咪太心急，未睇清對方是否適合自己，就急於拍拖呢？

2007-07-01 16:42:52 補充：
下面bettywkng2005小姐，我覺得唔識尊重人果個係你，我形容[扒]，並非針對任何人，包括發問既gigi，只係社會上對唔靚既女仔通俗的形容詞，正如男人會被人形容為[薯][柒]。只係草根性的形容。但你盲目攻擊對我人身攻擊。原來咁叫有品，ok。至於男人以貌取人，男女之間交往並不罕見，你無法否定已經存在的既定事實。問題只係你接唔接受到。當然任何人都無法得知果個男仔既真正想法。我唔係一竹篙打一船人，只係男人性格有多樣性，一樣米養百樣人，我只是提供不同方向的可能性。希望你明白咩叫各抒己見，在不冒犯別人的前提下。

今時今日已經唔講矜唔矜貴了,鍾意就要爭取,唔表白既就無乜機會,你可以同佢傾多d先了解多d用愛比佢,佢感受到,你再同佢表白直接講

我好同意樓上bettywkng2005既意見,
而我既個人意見是同男人相處之道就是相方感覺舒適﹑自然,
不做作.而且最好就係做一個溫柔﹑明白事理既女人,只要你是真心關心對方,自然可以
可以陪養良好既感情,唔好太心急啦!如果佢係鍾意妳就自然會主動追妳.

*(我老公都係細我一年,所以年齡又唔係o甘大問題,
而且我本人都係一個好普通既女人,絕對唔係樓上
~3dot~哩d口中講既靚女,但我老公就係人見人愛既靚仔﹑好仔一名.
所以唔好比人誤導,唔係個個都淨係講個樣,無智慧既人先會咁睇人,
做女人最緊要唔好偷懶,儀容好緊要,打理好自己既皮膚,唔需要太刻意化妝,
衣著最好唔好太過時啦!整整齊齊.而且人品都好重要,
如果你是一個凡事講道理,又識得尊重別人既女人,
就以經人見人愛啦!)
winki來為妳加油~加油喲!!

年齡其實唔係大問題, 最緊要係feel....你要慢慢咁令佢有 feel先, 做一d小動作等佢留意你多d先, 例如寫下紙仔...請佢食糖之類的.

之後你可以暗示自己同其他女仔唔同的,,,如果你知佢以前有咩經歷, 就可以偏向話自己少果種缺點....我意思唔係叫你講大話, 只係避重就輕和強調多少少自己優點!

大忌:心急~ 記憶所有事要慢慢進行, 當同佢做思想教育!

我認為大4年又點? 只要你地外型上襯到就得啦! 加油!

你蠢唔蠢的呀，人地話唔想拍拖住仲無哂壓力啦，如果你追佢，都有唔鍾意既問題，你唔好成日想住點追人，公平地將佢當成你一個重要的朋友，表要對一位重要的朋友的應有的尊重，如果佢有日喜歡你，自然會追番轉頭，尊重人自然有人尊重佢，女人有時唔識讓自己矜貴，如果你想留下好印象，見面之時用心打扮，不過唔好咁着跡，要以讓自己看起上來美麗些，平時如果不化粧，就唔好化粧，總之造得自然的，其實有咩追唔追，唔啱Key就執到都喊三聲，作為女人唔好咁蝕底，唔好時時誥追人，又唔好開口埋口話拋棄人，你唔鍾意佢始終都要自動消失，唔好咁蝕底得罪人，何況人的想法會隨時間改變，人的處境也會隨時間改變，得罪左人無彎轉，何況根本就係唔啱Key，無謂講到誰拋棄誰咁無品。唔好成日語同人拍拖咁無彎轉，尤其果的三唔識七既人。

2007-07-01 04:07:43 補充：
唔該3dot 果個朋友講野要小心，嘜野叫做扒，香港科學昌明，化粧業又發逹，肯打扮無人是醜人，除非做人學你咁無品，唔通男人個個都係潘安再世，無貎的男人有嘜資料要求女人是美人。世上其實連男人都無醜人，無品到時時話人唔夠靚果的致係醜人，你睇果的人有無人要，不過吃不到的葡萄是酸的，何況與人交際，不成伴侶也可是良朋，祗怕你們這些醜陃之人都無份。