東九龍精神科

嗰度D臨床心理學家同醫生都掂.假若你真係有精神問題.而你話冇事.你騙佢哋唔到.若你裝儍話你有病.臨床心理學家用20分鐘與你面談.佢有把握知道你想乜.最少80%。
你去睇醫生.佢哋多數唔會正面睇你.低下頭.一面問你.一面寫嘢.点呀.食咗D藥好唔好Ｄ.你話冇乜嘢.咁就去攞藥啦.差不多每位醫生都係咁嘅模式.所以你咪話佢哋無料到囉.其實唔係咁嘅.你若有留意.你睇完起身嗰時.佢會望你一眼.嗰一眼都係斷証其中一環.佢會比較你上次嘅說話和今次有乜唔同.睇你嘅眼神.睇你所穿之服飾.在多樣比對之後.佢再會補充在病歴表上.不過你已轉身.出醫生房.你自已唔知而己、佢哋有做嘢嘅。
又....你有冇食藥佢都知幾成.有D裝儍去睇精神科.為求有紀綠去攞綜援.同醫生講D乜乜物物話有時咁又有時咁.D醫生知道唔出聲.逐個月逐個月咁批.搞到裝儍嗰個冇符<因每個月都要見醫生>.浪費裝儍嗰個週身唔得閒。<此累斗累也>。
若你睇佢哋佢開D藥比你第一次起到今都話得.D藥幾好.帮到自已.咁佢就知你呃緊佢、因佢D藥有D喺同你嘅病無關.試下你有乜返應.冇關嘅嘢都話得.咁唔係呃佢係乜嘢？
若你話失眠.唔開心.咁佢第一次會開比你安眠藥<藥房都買到嗰Ｄ>到下次睇.你話冇效.要求轉藥.咁佢又會開另一隻安眠藥比你.到第三次睇佢又話冇用咁就真喇.佢會開<鎮定劑＋抗抑鬱素比你.咁先至係針對失眠與抑鬱嘅藥嚟.比D誠意醫生喇。