無理解僱??應否受到賠償

一般而言, 一個月通知便可以合法解僱。
至於你應得的營業獎金(即commission), 公司應該要支付。勤工獎則唔同, 要視乎你最後一個月是否滿一個月,例如公司是以一號至三十一號為一個月, 而你最後工作日期是15號, 便沒有勤工獎。
爭辯與否唔重要, 最重要係你要知道呢個係香港社會現實, 當老闆覺得你無其他入咁有利用價值時, 分分鍾會期解僱你!有投訴, 可以去勞工處。

你老闆都較為絶，正常公司炒一個職員都會即日通知，然後補一個月代通知金的，費時被炒的職員在一個月通知期內在公司攪攪震。
營業奬金你要有銷售額才有得計算，而你老闆要你做埋下個月，是否工作有變呢？不容你做推銷嗎？同埋佢勤工奬的規定是怎樣的，是否要你的銷售去到某個銷售額才有的呢？
你最好打電話或親身去勞工處做備案查詢，將你的case講俾勞工處的職員知，佢哋會幫你講解賠償是否合理。
我覺得你的老闆可能想迫你自己提出即時離職走，咁你倒轉就要賠一個月通知金俾佢。
還有激氣還激氣，如果你真的做多一個月，就做好本身的職責，額外的工作就不必為他緊張，不要臨尾被佢捉住你的痛腳就唔好啦，可能你還要公司寫番封ref. letter 俾你，攪得彊過頭就唔好啦，同埋你真的問勞工處唔好俾你老闆知，因為逢老闆最憎伙記郁ｄ就揾勞工處撻佢哋，佢哋會有心理問題的。

俾我(其他包括:每月營業的獎金及每月的勤工,同埋我遭受到佢無理解僱的通知金)

"每月營業的獎金及每月的勤工":
你指呢一年內每個月?
應該有ga wor

"我遭受到佢無理解僱的通知金":
即是下個月的人工
佢話俾你.....咁唔駛追

可向勞工處查詢
打1823

年終酬金數額：

　1. 數額可根據勞資雙方協定。

　2. 若沒有協定金額，可以一個月工資計算雙糧（日薪或件薪工人以26日計算）。


領取資格：

　1. 在酬金期終結時（若沒有指定，則以農曆年終計算）已受僱滿一年則可得全部酬金額；

　2. 在酬金期內已受僱滿3個月（若首3個月屬試用期，則需再加3個月），在下列情況下可獲按比例計算的酬金：

　‧ 該僱員繼續受僱。

　‧ 該僱員被無理解僱。





若僱員被無理解僱，可得到下列補償：

　1.僱主必須以適當通知期通知僱員終止合約，否則要以 工資代替。

　2.做滿規定年期，便可追討長期服務金或遣散費。

　3.在上一次發放年終酬金至解僱時，工作滿3個月（若有試用期，則要首三個月試用期再加三個月），可得比例年終酬金。

　4.若僱員在該年度受僱已滿3個月或以上，可獲得比例年假工資。

　5.僱主拖欠的假期工資和欠薪。

上述補償須於解僱後7天內支付。

2007-07-01 14:57:10 補充：
下文討論都是僱傭條例（第57章）。請查 http://www.legislation.gov.hk

2007-07-01 14:58:31 補充：
僱主只要按勞工法例及僱傭合約去終止一個合約，而又按勞工法例及僱傭合約去賠償給員工(如發放代通知金，公積金/强積金等)，就是合法及合理解僱，僱主可以無需提供理由去解僱員工。除非該解僱違反其他條例如僱員補償條例或岐視條例，員工可向僱主提出索償。不過你有權不接受公司要求你自動辭職安排(除非賠償高於法例及僱傭合約所定數目，你就可以考慮接受)。你都喺同你同事講，睇清楚賠償是否合理(離職日後7日內發放)，如不合理你同事就可以去勞工處投訴，同埋..........揾個份工啦！此地不留人，自有留人處!!!

2007-07-01 14:58:36 補充：
http://www.labour.gov.hk/public/pdf/wcp/ConciseGuide/08.pdf

2007-07-02 23:34:03 補充：
你可打向勞工處查詢電話:1823