販毒一問..好緊急好緊急!!(10點)

老實答你 我係過來人 我曾經入過去 睇你條仔家下10成有8成都入去
因為你講緊係唔係幾袋 加上近排掃毒好勁 唔會輕得去邊 實冇得打到藏有 因為你條仔
加埋成3安k 成3百幾十袋左右 藏有係話自己買黎俾自己食 就算佢唔認 到個官判個時咪仲
衰~你話衰半安都還好 起碼話有壓力~
我有幾個fd 11袋都入更生5個月 加上你條仔20歲 就算請律師既 最多可以打到佢入監房受~因為佢20歲唔去監房仲死 去更生 沙咀 教導所 呢d地方唔係人咁品 你探你條仔個時可以問佢
個個都希望入監房 姐係係返壁屋受幾年 加上認左罪扣3份1 扣埋假期再3份一 如果你請私人律c 起碼有大機會打入監房 而唔入懲教 姐係沙咀 更生 或教導所 你應該去問下你條仔 想入邊到 佢實話想係返壁屋 雖然如果判返壁屋受 姐係監房 會有案底 但係佢多數會想係返個到
因為起碼唔洗入個三間俾人打到p&k 個三間 更生中心 2~5個月 出黎住宿舍個幾月
沙咀2~6個月 出黎住宿舍個幾月
教導所分兩間 一間 18歲以下 哥連臣角教導所 18~36個月 出返黎唔洗住宿舍
18歲以上 勵敬教導所 18~36個月 唔洗住宿舍 你條仔就算判都係判呢間~因為唔係細單野~
唔係呢間就判壁屋~到壁屋就年年聲咁計~以你條仔~應該判3~4年半左右 認左罪扣咁少少~紅色假又扣咁少少 如果判4年 就坐2年九個月左右 雖然耐左d 但起碼好受~唔洗俾人打~

2007-07-01 01:33:44 補充：
地院 即係區域法院 姐係灣仔(*才)判法院 係大獲d既 因為普通法庭 只係做d細單野 例如傷人 偷野 少量毒品等等 地院就多數判教導所多~有咩唔明 再send e-mail俾我~

咪玩啦。。3件野串燒拍都唔洗4look啦。最盡咪2look。。到3look到。扣呢樣個樣。咪年多d。咁就一定係監房好啦。出黎唔洗首野。入3c既話/(沙咀,更生,教導)出黎守野你條仔9成9又中過。我係過來人。我好清楚。不過我答你個時你條仔應該拍在啦。下話

判刑
根據上訴庭在98年5月26日所訂下對Ketamine (K仔)的判刑指引, 販運25克以下的K仔判刑由法官決定. 25克以上至 400克以下判刑是2-4年監禁. 400克以上至 800克以下判刑是4-8年監禁. 克以上判刑是8年以上監禁.
你男友第一條衰44克K仔, 第二條衰26克K仔, 總共70克K仔. 即係每條控罪會被判2-4年. 而因為佢係分兩次俾人拉到, 兩條控罪嘅刑期會分開執行. 假設佢每條控罪判2年半, 即係一共會判5年. 你男友犯事時20歲, 亦就黎21歲, 唔算細個, 應該唔會判靚仔監房. 以5年刑期計, 佢好大機會會係去石壁受.
販運打到變藏有?
照我睇, 法官應該係就第一項控罪叫律政司攞報告. 因為44克K仔已經係超出 “藏有”範圍, 律政司好可能會更改控罪, 就第一項控罪改為告佢 “販運危險藥物”. 所以由販運打到變藏係無可能嘅.
請私家律師, 係咪可以打輕d?
我唔知你男友會不會認罪. 但其實以販毒黎計, 唔係d乜野複雜案. 用法援或私家狀無大分別. 私家狀嘅功力, 好多時只會係d複雜商業案,成幾千頁文件果d案先顯露出黎. 如果佢認罪, 坦白講亦無乜求情因素. 果d乜嘢無案底, 家中經濟支柱等等, 個個人犯法都係咁講架啦. 重要佢係衰左第一條保釋期間再衰, 法官會話佢無悔意. 而且成20歲, 唔可以話年少無知. 反而認罪就可以扣減三份一. 根據香港法例, 任何人犯咗任何可被判監禁的罪行, 如果佢認罪, 都可以得到總刑期三份一的折扣. 其原因係鼓勵犯罪者認罪, 從而:

節省警方人力物力去調查
節省法庭人力物力去審訉單案
避免要受害人出庭舉証, 令受害人窘迫及加深受害人心靈創傷(例如強姦案)
坐幾耐?
如果佢認罪, 可得到1/3的刑期扣減. 以60個月為例, 認罪就可減20個月, 即係判監40個月. 唔認罪就判足60個月.
根據法例, 在香港監獄服刑的在囚人仕, 是可以得到最多為刑期三份一之"良好行為刑期扣減"(Remission for Good Behaviour), 其作用是鼓勵在囚人仕在獄中奉公守法, 換取旱日出獄. 外邊人通常叫"假期", 但其實是唔啱的. 犯左法, 受緊靶, 邊有得放假咁好吖!!若然在獄中犯左紀律, 佢就會被剝奪"良好行為刑期扣減", 每次最多21日. 其正當名稱係"剝奪刑期扣減"(Loss of Remission), 而唔係"加監" / "加刑". 如果犯左更嚴重事項, 懲教署可選擇報警.
請注意: 犯人在審訊期間被拘留在警署或拘留所的拘留時間亦會計算在其刑期中.
以你男友case為例, 假設他判監40個月, 在獄中行為良好, 得到全數三份一remission, 而佢由被警察拘捕到判刑, 其被拘留在警署或拘留所時間合共為6個月 (佢已拋左40日, 4星期後律政司會提出改控罪, 跟住再排期又拋多3個月, 即係大約6個月), 咁佢的實際刑期係:
40個月 減13個月(良好行為刑期扣減) 減6個月 (拘留在警署或拘留所) = 21個月
即係實際要坐約21個多月.
區域法院
區域法院又名地方法院俗稱地院就刑事案件的最高監禁判刑係7年而裁判法院因為你男友販運的數量明顯唔會以年以下所以裁判官將案件轉到審理
介紹律師
因身份問題, 呢方面幫唔到你. Sorry!