對于換煮食爐可以轉世運一說有疑問？

建築物屬何運, 是以該建築物落成交吉為起運, 如同人之出生。而不是你何時入住起計。所以, 建築物一建好, 是六運就是六運, 八運就是八運, 是不會由你入伙or再換過爐頭計的 (請牢記這個念)！

之所以你會亂、亂、亂, 是因為有太多人去「作風水」, 自己功夫不好, 攪不通千百年來一脈相承的風水是什麼, 就自己去作一些千古不見的古怪理論。只要你小心分析, 多看古籍, 少看現今那些不學無術、只懂攪宣傳、攪形象出位的不三不四師傅, 那就可以一步步認清真正的風水學問。

我好同意你呢種抱有懷疑o既心態, 解唔通就應該去探討, 唔係係唔係都話佢唔o岩或者冒目相信.
先講一講我自己客仔o既經驗. 佢99年入伙, 屋企坐辰向戌, 大家都知道係旺丁旺財. 但衰在佢今年年頭個爐壞左, 跟住換完之後就成家人病到而家搵我幫手. 咁又點解? 街外無動土喎!!
我有一個無得證明o既解說(因為無得時光倒流). 首先, 以前爐灶根本唔會壞, 燒到裂左都只係會修返好. 所以無人會知換爐會轉運(都無人試過)
就算有人試過, 咁你話以前打開個屋頂容易定係換爐容易? 個個屋頂都係瓦片, 拆落黎再放上去容乜易? 反而打爛個爐再整過, 無返三五七日d泥都未乾未固定啦! 以前又唔似我地而家可以隨便出街食飯, 整過個爐好大件事架!!
然後我又覺得, :屋: 係一個軀殼, 入邊住o既 :人: 先係靈魂, 無人住, :運: 又點會開始行轉? 而人唔食野又唔會生存到, 所以 :開始食: 同 :開始住: 我覺得可以理解為同一樣野, 而且煮食爐又通常係屋企發熱o既主要來源, 亦即陽氣產生o既主要地方, 咁換左呢樣野會轉運都算合理啦!
咁而家愈來愈多o既 :無飯家庭: 又點計? 咁又要各位一齊研究下勒!! 會唔會係以沖涼果個熱水爐計呢? 都有可能個喎! 總之希望各位唔好 :讀死書:, 就算西方學說, 都周不時被新一輩科學家打破舊理論. 社會不斷變, 我地學左個基本理論, 仲要識得研究乜野o岩用乜野過時, 咁先可以真正將我國珍貴o既知識寶藏發揚光大.

cousinjacky838兄;說得清晰，那些所謂大師真的累死人，現今若要改換天心是不可能的，唯有是丁屋或鐵皮屋才可造到，並不是換了煮食爐便可........
資料由此網站提供http://www.fengshui.ecomm.hk/front/bin/home.phtml

去買一本沈氏玄空學,入面有段陽宅三十則有講,你去自己參考.

唔使成幢重建,只要"換天心"就可以~!!!
咩叫"換天心"??????????
一定唔係換左個爐咁簡單啦~!!!!
古時換天心,打開晒屋頂d瓦片,之後納氣.
家陣我估要成幢大廈大番新,之後換埋主要公用設備(如電梯)先得~!!!