男朋友買唔起樓, 嫁唔嫁好？

請問你現在是否已經到了談婚論嫁的地步呢?

如果只係剛剛拍拖, 而你預算到佢一世都買唔起樓比你, 你會好介意的話, 我認為你應該要盡快和男朋友講清楚, 你有權去選擇一個合自己心意的配偶, 他也有權去愛一個真正體會他情況的人, 好過日後你們變怨偶

如果他向你求婚, 而你們已經很穩定, 可以成家立室的話, 無樓的問題何不坦白拿出來談
你沒有安全感, 不是樓不樓的問題, 係你怕, 日後生活無保障, 萬一有咩事, 如果有層樓, 便可以套現應付, 對不對? 那除了樓, 還可以有好多方法解決安全感的問題, 例如買保險, 你做受益人, 又可以一起做一些風險低的投資, 如買基金, 這些方法都能保障日後生活
香港人長期受有樓=有錢=有保障的觀念影響, 你要三思~ 路還有很多的
講到尾, 如果係真愛, 不會受這些事而影響感情的, 如果不是真愛, 何不放開懷抱呢?

每個人都有權追求自己的人生
你需要一個長期飯票的配偶, 不能說你是貪慕虛榮
可能你受成長因素影響你的價值觀, 或你本身賺錢不多, 所以想找一個能依靠的人做伴侶
這些都是無何厚非的

還記得"十月初五的月光"嗎? 女主角最後嫁的不是自己最心愛的~ 我們都明白, 人生就是有些無奈, 有的人誇得過這些 卻誇不過另一些

小姐, 問清楚自己最需要的是甚麼, 別欺騙了自己, 又欺騙了人, 將來有了孩子更難回頭

結婚是一種一生一世的承諾, 委身和堅持, 不能博一博

祝福你

你自問你有幾愛你嘅男朋友.如果你真係鐘意佢&真心愛對方.不論他買唔起樓.
你愛你嘅男朋友就嫁.如果你無feel既話,就唔嫁啦.樓唔係咁重要.睇你係點選擇啦

物質主義!
你自問你有幾愛你條仔?無錢就吾要-0-
無人係十全十美嫁~
咁你無李嘉欣咁令;身材吾夠朱茵咁索,口才吾夠dodo姐咁勁.....
咁你男朋友有無嫌棄你?
*自己諗下啦`如果你真係愛佢既,就會同佢同甘共苦!
咸魚白菜也好好味;)

一個男人嫁唔嫁得過 係睇佢對你點 唔係睇佢層樓存唔存在
你而家係嫁比個男人 唔係嫁比層樓喎 你要層樓既安全感黎做乜?
就算佢有層樓又點?又唔係你名 同你離婚果陣佢一腳都可以踢你走
有層樓唔等於安全呀 個男人對你好唔好先叫安全呀 小姐
如果你真係要用層樓去衡量嫁唔嫁 我覺得個男仔好慘

其實我覺得你如果真係中意你男朋友
你中意ge應該係佢個人而唔係佢有冇樓
如果佢冇樓你就唔嫁咁你不如索性嫁比層樓好過啦
兩個人係埋一齊最緊要係開心姐
如果冇樓就冇安全感...咁你都係搵過第二個有樓ge人嫁啦
你真係中意你男朋友ge你就識點選擇....

現在唔一定要買樓，可以租樓，如果佢個人無乜點自己鍾意佢既話就唔介意咁多了，現係鍾意佢唔係鍾意間屋嘛．如比在一間好大好大既屋你，但裹面住既得自己都無用啦，一暑屋裹主重要係住既人，屋既嘢唔係咁重要姐，現實係人都鍾意有山有海但係唔係自己能有能力先如無就認命，平淡有平淡既好，有時唔好睇人地供樓咁好，佢地背後辛酸你都唔知咋～　如佢有能力但成日唔返屋企或有外遇你一樣無安全感咋，所平淡是褔啊～

兩個人一齊組織一個新家庭, 係應該由兩個人一齊合力買一層樓, 而唔係單靠男方一邊付出, 如果你只係睇男方有無財力, 將來萬一有咩事可能要分開, 你自己都會好無保障, 而家o既社會, 女仔應該要堅強起來, 唔好剩係靠男人!! 如果男朋友無錢夾份買樓, 就唔好買住, 等大家有能力一齊供一間屋先好買, 如果唔係將來蝕底o既都只會係你, 佢依賴o既亦都只會係你, 將來萬一佢收埋第2個, 你真係喊都無謂~~所以買樓呢D o野真係要認真考慮, 唔係愛唔愛o既問題

2007-06-30 23:51:08 補充：
而且樓唔一定要大, 細細地夠兩小口子住都可以好平, 甚至同租樓一樣價錢, 人大o左就唔再係有情飲水飽了, 要想一想將來, 何況你已經想到結婚的地步, 兩個人係埋一齊唔單止係兩個人的事, 如果你們將來想有自己的孩子, 難道要小朋友訓街？ps:我並不是叫你揀一個有錢人, 只係兩個人夾錢買樓是必須的

買唔起樓就唔嫁?咁係唔係買得起樓就嫁先??
如果係咁o既話,你不如嫁比樓,唔知你鐘意o既係佢個人定佢D樓呢??如果你知道自己鐘意係佢個人定佢的樓o既話,你一定識得選擇~

would you love him,then嫁!

love is not play,一世架!!

我覺得如果你真係鐘意佢ge話...
你唔會care佢有冇樓lor~
一齊開心米得lor~