倉鼠bb既成長過程

鼠bb第七日開始出毛

bb成長表
鼠bb成長階段:
1) 出世: 未開眼,有d牙仔,冇毛,有細爪
2)第七日: 開始出毛
3)第十日: d毛開始生長到都幾多
4)第十二日: 鼠媽媽開始唔會幫鼠b清理排泄物,鼠b會自己爬出去搵野食,要注意俾放既糧食既野唔可以太大舊,整細粒d d糧,如果近粉抹既食物就要加少少水.
5)第十五日: 開眼
6)第十六日: 出齊毛啦
7)第十八至廿一日: 戒奶,要將bb同媽媽分開
8)一個月至四十五日: 成熟期,鼠既品種唔同有唔同既成熟期

另附上鼠鼠生bb後要注意事項,希望對你有幫助

鼠鼠生左bb之後要留意以下幾點:
1)將鼠爸分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

另外,繁殖鼠鼠真係有好多問題,希望你可以考慮一下唔好繁殖佢地,同埋可以一籠一鼠,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-07-02 14:47:01 補充：
睇到話鼠bb要食蔬果,其實絕對地唔可以1)如果親自俾bb食,一來會哽死,二來會令鼠媽媽好緊張,可能會食bb2)水果好快就會變壞,如果成日更換,都會令鼠媽媽緊張3)就咁放在籠等bb食既話,絕大機會係鼠媽媽一個食晒,咁會做成肚瀉4)水果只可以食極少,食得多會肚瀉,所以我就唔建議亂俾水果俾鼠鼠食

一般而言，鼠鼠九日大就開始有毛髮，十天大才開眼。十天大的鼠鼠已經學會吃少量固體

食物，飼主可以給小鼠吃一點有營養的蔬果，一來可以補充營養，二來可以幫助補充水

份。除了吃東西外，十天大的鼠鼠已經開始四處去了解環境。有時候百厭的鼠寶寶走了出

來，母鼠就會急忙用口把他們帶回窩中。直到18~21日大，小鼠已經可以獨立生活不需要

母鼠照顧。這時候，記緊要把小鼠公母分開，避免交配/近親繁殖。