✔ 最佳答案
雖然我有政治取態,但我唔會開哂大聲公,叫人唔好投票俾邊個,呢個做法同選舉時o個d助選人員一樣,惹人討厭。
如果你問我,我覺得其實區議會同立法會選舉,係可以分開o黎睇o既。
地方工作(我唔係話節日派禮物,冬天食蛇宴,秋天好旅行,朝早搞晨運),真係需要錢o既,有財力,有人手,一定好辦事。如果你見區議員唔計搞福利都做得好,選佢其實無可厚非。有冇被選中,政黨如果有錢的話,其實都應該o係地區做野,一來要增加知名度,二來其實選票唔係選傳宣傳嗌下、派下傳單就有o既,而係平日「播定種」,等選舉時有收成。所以一早開定條路,其實係正確o既,只係有d黨莫財,想做都做唔到罷了。
至於立法會,因為搞o既係全港性政策,選民選o既唔係地區事務爭取人,係自己o既議事堂代言人,所以佢地o既背景、立場、政治取態,就變得非常重要。
當然,呢度要提一提,因為無論邊一級議會o既議員,薪金一部份都會上繳政黨,因此議員人數同政黨收入係相關o既。本身資源多o既黨財來自有方,議員薪金冇咁重要,但窮鬼政黨就一個也不能少。因此當年政府要取消三級議會中o既市政局同區域市政局,就被認為係要「陰乾」民主黨o既一招。
呢個考慮唔係地區工作成績,而係對某一政黨o既支持。你問得呢個問題,我當你係選民啦,咁應該都有一定年紀同智慧去作通盤考慮。
圖片參考:
http://hk.yimg.com/i/icon/16/57.gif