想知汔車品牌

呢條問題就好似要你答歐洲菜好食D定中國菜好食D一樣. 各樣地道菜都有其招牌菜(signature dish), 亦有D食物未必啱每個人口胃. 正如車廠一樣, 好難話邊間公司好過邊間, 而旗下產品亦有好有唔好. 以下只係個人意見, 其實唔係咩知識可言:
Benz: 樓上嗰位, 如果你話Benz耐用的話, 我諗你由出生到而家一直係Benz用家冇揸過其他車作比較, 一係就對耐用有獨特見解. 打從DaimlerBenz於1998年以天價三百六十億美元同佳士拿"合併"之後都冇好日子過. 向廉價車市場揮軍嘅SMART蝕錢連年, 向上攻嘅Maybach銷售又未如理想. 2003年Benz仲因為產品質素問題導致要花大量金錢去替顧客維修汽車. 到2007年5月14日終於要賤價七十四億美元賣比Cerberus Capital. 種種理由都睇得出Benz係一間管理其差嘅公司. 佢地最值錢就只係個三角星logo, 同一班盲目追捧嘅Fans. 當然呢D係佢地Marketing嘅功力啦. 我自己就唔會買Benz, 除非真係中六合彩, 仲只係要買AMG. 要浮誇就浮誇到盡嘛. 最佳車系: S-Class, SL-Class (AMG)
BMW: 之前已經答過, 所以只係C&P. 喺任何一個級別,唔係馬力最大唔係劈彎最硬淨唔係舒適程度最高唔係最user friendly唔係最平唔係最少毛病, 但以我經驗, 3系, 5系同7系都係喺同級車中最好揸最配合得好嘅房跑/跑車. 車架同避震配合得天衣無縫, 街揸舒服又得, 山路又劈得吓, 鐘意嘅話track day都唔會腳軟. 路面感喺front-engine車嚟講係最好嘅. 引擎低,中,高轉都有力, 好力之餘又唔會高轉時"刷". 寶馬德文名Bayerische Motoren Werke中嘅Motoren解引擎, 真係唔係浪得虛名. 不過關於電子嘅小毛病真係有待改善. 最佳車系: 3系, 5系
VW/Audi: 歐洲車廠嚟講我覺得係最成功嘅一間. 不斷收購其他車廠, 重新定位同包裝, 不惜工本去造新同好嘅產品 -- Bugatti, Lamborghini, Bentley都係好好嘅例子. VW自己嘅產品亦透過同其他姊妹廠嘅共享資源令自己嘅產品質素提升. Audi就公認係大量生產汽車車廠入面interior design同用料最好嘅公司. 下一代A6同A4會同新A5 share 平台, 到時新產品嘅操控性可以直迫寶馬! 最佳車系: Audi A4, R8; VW GTI, Golf.
Toyota: 講真, 豐田車真係揸起嚟比較悶嘅車. 一般揸其實一D都冇問題, 易揸, 但就係冇駕駛樂趣 (尤其冇咗配twin-turbo 2JZ-GTE 引擎嘅車之後) 不過講造車良知, 供應鏈配套, 手工, 豐田認第二冇人敢認第一! 大家睇Lexus喺一夜之間搞到成個歐美貴價車廠亂晒陣腳就知豐田真係好厲害! 豐田而家係全球最有錢嘅車廠. 銷售量計嘅話上個quarter亦已經過了通用汽車. 最佳車系: Corolla, Camry, Lexus RX, Landcruiser.

I like the VW/Audi part :)

我覺得benz好d...
benz耐用d既~
而家較有保證

都係我自己既意見

邊樣比較好