✔ 最佳答案
A.倉鼠其實係獨居動物,所以係好易會打交,只適合一隻居住
多數鼠鼠細個既時候都冇打得咁犀利,所以鼠店既鼠相處得比較好(但都有死有傷),慢慢你養耐左d,鼠鼠大個d,就會打交,所以最好一籠一鼠
你兩隻鼠有打交既行為,情緒一定好唔穩定,就好似將兩個打生打死既人困埋一齊,日對夜對,可想而知有咩感覺吧!
B.鼠鼠叫到人都聽到既時候,多數因為受驚同感到痛苦,所以佢地咁緊張既狀態,就好易就會叫同咬人,佢地都只係想保護自己,盡快分開佢地,以免有咩傷亡,咁佢地慢慢覺得冇咁大威脅,自己同你都易熟d
你一男一女咁放埋一齊,你摸佢肚佢叫,都有可能係已懷孕,但咁唔代表一定係,因為懷孕係好難用肉眼去分辨
鼠咬人都仲有好多原因,字數有限,詳細可以到以下我回答既知識度睇下:
http://hk.knowledge.yahoo.com/question/?qid=7007061901291
C.你話佢地打得好激烈,唔知佢地有冇受傷呢?就算冇都必須仔細檢查
有受傷既話你可以做以下既事先:
1)有流血既話,用藥用棉花咁住傷口,用外傷既藥同佢搽,小心唔好整到眼耳口鼻.
2)將鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)冇受傷既鼠都要檢查下有冇事,,之後都要留意佢地2隻既排泄物同身體會唔會有異常
4)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)如果有內服既"外傷素"就可以俾鼠鼠飲住先,但嚴重成咁其實都係要盡快睇醫生先係最好既方法
7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
8)睇醫生既話可以考慮一下.
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
大圍珍禽異獸及寵物醫院
Tel: 2687 1030 地址:大圍積信街75號地下
http://www.taiwaiexotic.com/
D.你一男一女咁放埋一齊,除左打交都有機會會繁殖,其實咁係會有好多既問題,希望你真係可以考慮一下分開佢地,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
2007-06-30 15:59:49 補充：
我覺得,將佢地分開之後一後時間,再放埋一齊可能係會唔即時打既,因為分開耐左要再去了解下對方實力先,但都係有機會再打特別係鼠鼠半夜活動既多,又唔會所有時間都睇實佢地,所以真係好危險我細個有2隻同一胎既兄弟,相處得十分之好,就係我出去一陣,佢地就打死晒,死狀仲十分恐怖我都明白鍾意鼠鼠係會想一籠放多過一隻,我都想架,但知道咁係對鼠鼠唔好,所以我就再冇咁做了希望你真係可以考慮下分開佢地啦
2007-07-01 03:29:33 補充：
麻煩尊重一下,唔好copy我既答案,我既答案都係由自己既經驗同知識,再一手一腳打出唻,絕對地冇copy任何網頁,謝謝!
