請各位幫幫小弟...

你盡量講多D關於佢的事
千其唔好係咁講自己的事
問下佢平時做乜野多呀,講下佢D fd(如果你識的話)
問下佢仲乜唔講野囉,睇下佢點講再自由發揮
再係適合時間講下自己對佢的印象
問下佢你係佢心目中係點....
總之唔好只係問同埋只係自己講
要多D同佢講野,關心佢多D就得架啦

你地係曖昧關係...?

話題可以見到乜就講乜
(風景,商舖果d)

點都好
女仔都喜歡甜言蜜語
多講無妨
不過切勿講得太多
會適得其反!

一男一女初期出街無咩話題係好正常既, 所以一定要安排d 活動, 唔可以只係面對面.
1) 安排睇戲: 食飯時就可以講下對套戲既感受, 跟住繼續問佢鍾意睇咩類型既戲多, 笑片 (周星馳?) 愛情 (有無睇十分愛?) 鬼片 (驚唔驚呀?) 跟住仲可以問下鍾意咩名星 (古天樂? 劉德華?) 睇戲鍾意坐中排定後排呀? 會唔會睇d 字幕架? 鍾意睇西片嗎? 繼續講埋韓劇日劇...
(記住同時要講你鍾意睇既戲, 欣賞既名星, 係對話, 唔係問答)

2) 唔怕低 B 可以去下冒險樂園, 話見到好多太太阿伯長期玩跌錢機, 話宜家無左歡樂天地, 問佢以前有無去過, 再問佢有無鍾意咩公仔, 話你幾時去過海洋公園, 最鍾意玩咩 GAME, 最近有單新聞話跳樓機發生意外, 問佢有無去過廸士尼, 講下日本有個 HELLO KITTY LAND....

3) 問佢屋企有無裝有線, 有無睇, 講下你鍾意睇波, 睇NBA, 問佢覺得碧咸靚唔靚仔, 話碧咸嫂好多是非, 宜家仲覆出演唱, 講下電視劇, FIONA 0係學警套劇度咁早死...

4) 問佢去開邊度行街, 睇佢有無戴首飾, 讚下佢條鏈靚, 話好少舖頭買男仔衫, 好少選擇...問佢同FD 行街家同媽咪去買衫啦...

5) 話你有首新既電話鈴聲, 問佢要唔要, 藍芽SEND 俾佢, 問番佢有咩歌, 講下歌星, 外國歌等....

6) 鍾唔鍾食日本野, 元氣/ 板前壽司排長龍....越黎越多回轉壽司...鍾唔鍾意食 PIZZA, 新出隻 PIZZA 有無食過....話阿媽煮野好好食, 講下美女廚房好攪笑, 繼續做就好喇...有小肥羊, 又有間叫小肥牛...講甜品, 許留山, 大良8記...

7) 上網預備下D IQ 題考考佢, 預備D笑話講下, PRINT 定幾個心理測驗等野食既時候玩下....

8) 同佢旺角行金魚街, 幾好架, 有排睇, 仲有寵物店, 問佢鍾意咩動物....

9) 鍾唔鍾意睇書, 話D 女仔好鍾意睇愛情小說...有無寫 BLOG....有無上 YAHOO 知識睇野....YAHOO 友緣人有好多相...

10) 講下宗教, 屋企人有無拜神....新年車公廟新聞話勁多人....

11) 平時搭咩車...地鐵無風景睇, 巴士司機不滿攪按章工作, 小巴超快....

12) 鍾意咩運動? 羽毛球, 保齡球, 踩單車, 踩冰, 下次去...

13) 去赤柱...上山頂...去長州...入大嶼山....

實在有太多話題, 最緊要識執生, 見佢無咩反應就要轉話題, 見佢有野講就繼續, 你都要講自己既想法, 盡量大家一齊講, 只要正面都 OK...就算在餐廳內見到盞燈都可以話靚, 麥當奴都可以話旺角個間無尖沙咀個間咁好食...
男仔係要花多D 心思架...努力啦...希望幫到你