我對呢件事睇得重嗎？

其實係小事，不過唔開心係正常嘅，因自己感到不受尊重，喺呢一刻，自己仲想唔想幫表弟繼續補習先，如果想，當冇無事發生囉，唔想的話，搵藉口推妳舅母，話唔得閒再幫表弟補習，任何事情都有解決辦法，亦需要有解決的一日，早早解決問題，免得日後關係惡化連親戚都冇得做，重煩。

我都明白，因為你已經唔收錢，補出黎既成績都唔差啦，照道理佢地應該心存感激，不過响佢地立場，覺得係你自願既，亦可能覺得你只係得閒先幫佢地，又唔知第二啲人係咪咁好，都係試下既階段，如果好，先同你講，如果唔好，咪等你繼續囉﹗點知咩都未計算好你就知道，所以，佢地都好尷尬，或者咁啦，你大方啲，唔好嬲，因為事實上都唔係咩大件事，你幫左佢地，佢地唔會唔知，都係親戚，無話要計咁足架，係咪﹖你都講啦﹕「表弟話媽咪驚我唔開心，所以唔講」，咁就知佢地都係唔想你唔開心啫。

所以呢，你都話你最錫呢個表弟，你亦咁豪咁同人補左咁耐，點會因為呢次既事而反面﹖幫左人應該係開心既，佢唔使你幫你先唔去啦。真係架，唔好令大家咁尷尬。你幫佢地係好事，應該繼續。

總結: 我覺得係小事......

首先, 我明白你的唔開心. 一心一意的幫人, 但對方好像對你投不信任票.

但係, 諗深一層, 除咗係心靈上既受創外, 你沒有實質的損失(因為你是免費的幫他). 我明白有些事是金錢不能去衡量的. 但係, 佢地都有為你著想(起碼佢地冇同你講).

其實如果你沒有 "每樣都比我拆穿先認", 我想你們雙方都會過得比較好.

"每樣都比我拆穿先認" --> 其實點解要拆穿呢? 有時候唔使下下都要清清楚楚. 拆穿咗有時仲令雙方難落台. 如果你私底下知道真相後唔開心, 可以揾個理由話唔幫佢補. 一來可以留返d時間俾自己. 另外亦都可以試下冇咗你, 佢個仔d成績會係點.

如果冇咗你,佢既成績都係咁好又或者好左, 咁可能個大學生真係有料到 (當然可能是因為你已經幫你表弟 "打好基礎"). 如困係咁, 我會認輪. 何況表弟成績好左, 你都應該會開心.

但係如果冇咗你, 佢既成績係差咗既話, 我諗你舅母會知道你既重要.

我諗最重要既係你既出發點. 如果你係想你表弟既成績好, 咁邊個幫佢補都冇所謂, 只要佢真係有進步.

首先你要知道他們的出處都是愛的表現
幫個仔揾左個大學生番黎同佢補 ----> 因為想個仔成績更好
唔同你講怕你唔開心 ---> 顧及你感受

你嘗試企響他們角度看，你會怎處理？

你也可坦白說出自己感受，讓他們知道

你看看最後，
表弟得到更好成績，
而你得到更多時間可做你自己的事

這樣看會否正面開心一點？

佢搵完你補習之後再搵第個...
其實講唔講都係得既...
如果佢唔想講 咁唔好迫人...
你想佢講清楚比你聽 你同佢講清楚....
其實好小事.....佢驚成績跟唔上 之後搵過個人黎再補一補
小事而已