如果買家走佬...可以點做...請大家好心幫我...急

我稔你係話嗰個買家係用2張支票俾臨時訂金, 如果係, 咁即係你的咁多訂金都冇收過.
不過, 雖然佢兩張支票都退咗, 但係你為咗保障自己, 最好都係等臨時合約上面寫的簽正約日期(通常係14日)過咗先至好再賣間樓俾其他人同埋收其他人的訂金, 否則有可能俾先前個買家番轉頭玩番你夠本. 睇黎你先前的買賣, 你都係打定輸數嘞, 而且嗰筆臨時訂金你都係唔使旨意會收到嘞, 雖然法律上你係有權向該買家追收退票的錢的, 但你連人都搵唔到又點追呢.
咁點解你又要等臨約中的正約日期之後先至好再賣出去呢, 因為除非該臨時合約寫明該合約須待支付訂金之支票過妥數先至生效,否則即使支票退票, 合約仍然有效, 買家仍然可以依期送大訂, 只要佢俾番該退票的錢就得嘞, 所以要等到正約的日期都過咗, 佢都冇送大訂, 咁嗰張臨約先至完全失效, 到時你再賣出去就完全穏陣. 否則, 你太快再賣出去, 到時你收咗人訂金, 舊買家又出現要買你間樓, 你一樓兩賣, 俾人捏住條頸, 你就有排煩嘞, 千祈唔好冒險呀.
你現時可以即刻放番盤, 俾經紀帶人睇樓先, 叫佢哋做定工夫, 做得黎14日好快過啫.
如果你單交易只係退票, 冇其他出錯, 咁經紀係唔使負乜嘢責任嘅, 佢都好慘啦, 白做冇佣收, 你估佢唔想搵番個買家,追番佢賠撻訂兩邊佣咩.