✔ 最佳答案
A.我覺得只有第九個籠先好,呢個:
(圖片來自:
http://hk.f2.page.auctions.yahoo.com/hk/auction/b6324803)
圖片參考：
http://hk.image.auctions.yahoo.com/users/3/4/6/1/qutie_bb-img600x450-1182956229untitled-3.jpg
因為第2個籠係好危險,樓梯一間間(睇唔清2樓地面係咪咁),好易卡住鼠鼠隻腳,令鼠鼠半天吊,我n年前有隻鼠,就係咁吊到隻腳就斷...所以揀籠唔好揀地板,轉轉,樓梯係咁既設計
而第6個籠就好似較細,唔係咁實用
B.倉鼠係獨居動物,所以一籠只放一隻就好,唔係會有好多問題,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.
希望你真係可以考慮一下一籠一鼠啦
2007-06-29 14:38:38 補充：
就算有3層,就算放好多屋仔,其實都一樣會有霸地盆既行為我細個就以為籠大,又多屋仔會冇事,2兄弟一齊住,2層比呢個籠大,有2-3間屋仔(2同3間都放過),結果都係在我出去一陣就打死晒,仲死得好恐怖
