50幾歲人因偷野要上庭, 今次不認罪, 再等上庭, 之後會係點 ?

我見你話 "... 2個月前有一次案底...", 咁應該上一單都係偷嘢. 一般嚟講, 如果重犯同一罪行, 係差不多一定會坐監的.
判刑時法官會考慮到以下因素: (對你有利 - 黃色, 對你不利 - 紅色 )
你不認罪 - 法庭及警方要用人力及時間去告你及審你
你偷的東西價值不高
你有同樣案底 - 代表你不知悔改
你上一次案犯事係2個月前, 事隔咁近, 咁就更加代表你不知悔改
照我經驗, 因為你係重犯, 守行為同社會服務令都唔適用. 加上你唔認罪, 法官會要判一個阻嚇性刑罰, 即係坐監. 但佢亦會考慮到咁小事要你坐監, 會增加懲教處工作量. 我估佢會咁判:
將你還押懲教署看管(14-28日), 等候報告, 再判你監禁1-2個月, 緩刑1年(即係1年內唔犯法就唔使坐). 即係俾你試吓坐監滋味, 嚇吓你等你唔會再犯, 但又唔係正式監禁你.
但如果你舊案底同偷野無關, 例如:打交, 藏毒, 咁偷$20嘅物品, 又肯認罪的話, 加上求情, 應該只會判守行為 / 社會服務令 / 罰錢. 你偷嘅物品價值唔高, 個官應不會判社會服務令, 我估佢會判守行為.