點樣先可以知道對方有無第二個？

男朋友有第三者我自己都試過，我同我男朋友拍咗拖４年，４年裹面不斷咁出現第三者，一次又一次都係因為我信佢，因為我愛佢所以我會信佢比我嘅解釋，但可笑嘅係佢一直去利用我對佢嘅信心，一次比一次傷心，直到我喺街撞倒我男朋友拖住個女仔，我男朋友當睇我唔倒擦身而過，好難接受，４年我都好似妳一樣好想知道佢係咪真係有第三者呢，但當我知道嘅時候原來係咁難接受，縱使比妳揾倒佢有第三者嘅証據，妳可能會比一千個理由去為佢解釋，ying ying 假若妳真係知道妳男朋友有第三者，妳會理智咁去做決定嗎，如果妳認為妳氶受到嘅話妳就去揾答案啦！
１．其實女仔係有第六感，如果妳男朋友有第三者妳會好強烈感覺倒佢一定有d野
２．妳男朋友同妳一齊嘅時侯會熄電話一係就開振機
３．電話簿會有妳未見過嘅古怪電話
４．有時傾電話會行開，而平時係唔會嘅
５．平時唔會注意自己嘅打扮，突然汁到自己好型
６．有D特別節日都唔得閒陪妳
７．妳地平時有無傾開電話呢，有嘅話有無傾小咗電話呢
８．當妳試探佢有無第三者嘅時侯佢會表現得好唔自然
９．對妳嘅態度一時好好，一時又突然好差好情緒化
１０．妳男朋友出街，妳打好多次比佢都唔聽妳電話
其實有時妳唔需要自己去搵答案，妳男朋友真係有問題嘅話無端端都會神推鬼onl比妳知道

你係覺得佢地成日sms? 係覺得定事實?
佢同你應該係淡左,
而又有第三者介入,
佢會底受唔住誘惑..
你問下你自己係咪仲好愛佢?
如果係就冷靜d, 靜觀其變..當肯定到真係有證據,
至大家心平氣和傾下, 你又諗下自己仲接唔接受到佢?
如果lee一刻你未有證據同佢糟, 會傷害大家感情, 亦都比佢知你唔信任佢,
只會魚人得利~~bye

我覺得好靠直覺囉,既然你都覺得佢同第二個發短訊,即係你都有懷疑啦,下次見到佢再發短訊個時,咪問下佢做緊咩囉,SEND野比邊個呀,但態度要平平淡淡咁,睇下佢有咩反應囉!

你一係問清楚佢係唔係鐘意你，唔係鐘意第二個！
一係你查下佢手機囉＜＜＜但係好缺德

我想你自己多心姐．．．你放唔下你男朋友之前鐘意第二個．．所以個心形住形住
你鐘意你男朋友．．一定要相信佢