我想買樓,九龍區有咩比較新的私人大型屋苑,要有會所,泳池,我唔想住將軍澳,好潮濕!

我係地產agent,希望幫到你啦.

藍田---匯景花園and麗港城,兩房600幾呎,二百二十萬起有交易,麗港城二百萬左右入場,有會所又夠實用,不過樓齡超過15-16年.

油麻地---窩打路道8號,500幾至600幾呎兩房,二百二十至二百三十萬起,樓齡新又有會所,不過可能有人覺得近廟街,嫌環境唔係太好.

土瓜灣---翔龍灣and傲雲峰,翔龍灣面積細D,400幾至500幾呎兩房,二百零萬起有交易.傲雲峰600幾呎兩房,二百三十萬起有交易.勝在兩個屋苑都係樓齡新( 翔龍灣剛剛入伙 ),又有會所,不過兩個屋苑都唔係太實用( 純粹我個人認見 ).

紅墈---黃埔花園,500幾呎兩房,二百三十萬起,面積細少少,但實用,不過樓齡舊,無會所,但四周交通及配套設施齊全.

彩虹---曉暉花園,600幾呎兩房,8年樓齡,新鴻基樓,有會所,環境清幽,不過位置吊腳,座落半山.要坐大約5分鐘VAN仔先到彩虹MTR,600幾呎兩房單位,入場費二百零萬起.

長沙灣---四小龍( 泓景臺,昇悅居,宇晴軒and碧海藍天 ),樓齡新,有會所,600幾呎兩房,最平二百二十萬左右入場,不過交通及購物有少少唔方便,配套設施唔算太多.

我個人意見,如果你媽媽住觀塘,你要樓齡新少少,又要有會所的新樓,可以留意下曉暉花園,傲雲峰and翔龍灣.

如果你有問題,e-mail俾我再傾,我可以俾多少少資料你,my [email protected]

藍田區麗巷城約200左右
牛池灣海巷花園約150-200左右
紅磡黃埔花園,不果呎數最大558欠左少少,約200左右
以上全部都係大型屋苑,有會所,泳池.

荔枝角站四小龍啦!!