✔ 最佳答案
如果A份工冇做, 之後你又冇理個A既強積金戶口, 通常就會自動變成保留帳戶, 如之後有B 或C既強積金戶口, 你又唔理, 一樣都會變成保留帳戶, 不過有D野一定要提你, 你有咁多唔同既強積金戶口都唔係咁好, 首先就係手續費, 如果有三個戶口而又唔同強積金公司, 就要比三份手續費, 因D強積金公司會每隔一排就要收取手續費(管理和投資強積金既費用), 而呢D費用會係你份強積金果度扣, 其次因你有不同既強積金戶口而如果你又善忙, 久而久之就會可能忘記其中一D既強積金戶口, 而招至損失, 所以依家我強烈建議你將所有以前既強積金戶口一次過轉到你現有用緊既強積金公司, 咁就會有助你統一管理而又唔使比幾份手續費, 而詳細既轉戶手續, 你可聯絡現有既強積金公司就會知道. 另外你問會唔會無左d資料, 其實係唔會既, 因為強積金有法例規管既, 不過你最好盡快做轉戶啦....
2007-06-29 02:47:39 補充:
如再有問題, 可致電積金管理局查詢...熱線:2918 0102
https://www.mpfa.org.hk/tc_chi/contactus/contactus.html