踩上木紋磚感覺濕濕地

上年裝修完, 用木紋磚, 有凹入坑紋, 長條型, 每條長闊不一, 睇落真係好似木,好raw,我係幾鐘意.

但最唔好係, 好易有濕氣咁,如果冇開冷氣&當日潮濕或落雨,赤腳踩落地, 會覺得幾立咁! 我好多次都問屋企老人家係咪剛剛抹地, 佢地話冇. 初初以為我敏感多心, 但赤腳行好多次do覺得係. &因為立,腳板底好易汚糟,即係話,個地真係有d濕氣而易痴塵&汚糟. 絕對唔係我心理作用. 一開冷氣或果日天氣好, 個地下係正常咁乾爽!

我想問...我所用 o既 木紋磚咁樣係正常嗎?

以前屋企用膠地板, 就算回南天潮濕, 都未致於立立咁!

其實,上年整好入伙四五個月後,師父至上黎挑走木紋磚上 o既 坑 o既 灰泥蹟, 佢都挑得好辛苦, 因時間太耐, 佢話食左入去, 同埋坑紋亦多, 佢do逐塊本逐條坑同我挑, 但都同我挑晒全部, 我見佢係用左d液體去做, 應該唔係漒水, 因佢挑時家人亦o係屋內. 唔知衣家 o既 濕氣, 關唔關佢用ge液體事呢?

因為呢個天時日日個地都濕濕咁, 感覺麻麻地, 想請教一下各位高人, 有冇解決方法? 謝謝!!!