經濟^3^

首先，以下答案針對會考，若樓主想問alevel請補充。
我就認為十年past paper已夠：兩個原因--因為雖然會出198x……
a) 出黎出去都係果d，近十年都係果d，所以睇近十年同前十年都係一樣
b) 唔值得為一兩題「翻抄」題而浪費精力在早十年past paper上。
反而我認為應善用十年past paper，主攻mc，每一題都要明，要知道「點解選這個答案」同「點解唔選另外的答案」，咁你已做左約500題mc，雖重覆又重覆，但唔同用詞有唔同答案，要知道點解。
第二，mc很多時都會問「定義」，你大可以將mc的答案當作「定義」的標準答案黎背。同一個「詞匯」會有幾個差唔多的定義，不妨自己做下功課，將不同年份的定義抄下來當筆記。
第三，答題時要慷慨。好多人見兩分題，就答一個答案很詳細，以為是一個兩分答案 (同樣，四分題就答兩個答案很詳細)。但最終題目可能要求兩個簡單答案，每個一分，這樣，就算你的一個答案很詳細也只得一分。
建議你在答題時，睇時間而定，若唔夠時間則可簡單答兩個答案，做完其他題目時則補充這兩個簡單答案。
十年前我考會考時，生果日報創刊冇耐，有個專欄教人考試技巧，我睇晒，用左好多橋，考左3A2B3C，建議仲有時間的話找96年果堆文章睇下。其中一招我覺最有用的，是「常常諗下人地有冇地方可以扣你分」。自己都冇把握取滿分的，就攪掂佢 (例如：補充、再補充…) 。
另外是一些基本功，例如字體要端正，記住：marker 是 piece worker -- 要取a的你應明白我講乜：佢地愈快完成愈開心，所以質素「可能」參差，可能冇乜心機改… 總之你字靚整齊， 幫佢快速完成工作佢會開心些，畀分會容易高。而communication在短答和長答分別佔一和兩分，字靚整齊當然易取這兩分。點樣整齊呢﹖例如字可以寫疏少少，咁要加一兩個字的時候只要用塗改帶刪去一兩個字再寫密d 已經可以加兩個字，唔使「指左」、「指右」…… 小小技巧自己諗下。

做十年pastpaper未邊夠~
因為題目喜歡番炒198x年既題目~

2007-07-01 16:03:52 補充：
我是07年的會考生請記住,番炒的題目一定不只一兩題,只要做得多pastpaper,你會知道佢出題目既模式,好似近呢幾年long question都有一條國際貿易+需求彈性,人工計算方法和function of money,市場結構呢d最少係隔年出一題~只要你有過pastpaper,就會知道佢會點問,想攞A,一定要拎晒呢d"必出題"既分數,如果唔係最多只會得c

要在暑假問溫經濟,
做exam paper.
做10years咚
may be enough.
我都是2008的會考人.
So fighting!