個胎9周啦,但係完冇重過,點算好呀,

其實個個人唔同,你呢個時候係會咩都覺反胃,正常嫁.我以前都係咁.而且基本上你體重唔會咁快重嫁,因為BB仲係好細(幾CM咋),影響唔到你體重,3到4個月開始啦,你就不斷重嫁啦.

而家最重要係小心食野,行動都要小心,因為你而家呢段時間食錯野,好影響BB發育.最好唔好俾自己病,因為我個人唔贊成懷孕其間食藥,即使醫生話無問題,都唔好啦!

多D休息,你而家應該會開始好容易累.保持心境開朗,BB會發育得好D,唔係話會生"文薑",只係你心情唔好,身體自然唔會有個好環境俾BB.(佢要住十個月嫁嗎)

唔洗驚,係以家呢個社會,唔會話大肚婆無營養既(反而太多營養--肥),你BB係肚肚到支持你嫁~

加油~

9週都係兩個月左右啫, 我而家25週, 又係好似你情況咁食唔到野只愛食菜, 我頭4個月倒瘦左7磅添啦, 不過我之前係小小肥既, 醫生話唔使擔心, BB頭4個月你好細, 只需要好小營養, 就咁母體儲落既營養都已經好夠了, 而4個月打後如果都係食唔到野就要小心D囉, 而我就大約16-17週左右回復反胃口, 而體重到現在都是比我6週時磅多左3磅, 但醫生話BB一切正常, 我已做了結構性超聲波, 連內臟都正常, SIZE又OK, 所以你唔使太擔心喎, 打後既日子會升得好快架!
而你如果真係太無胃口, 咁我唔知大家口味同唔同啦, 我當時就好鍾意食菜沙律囉(雖然有比老人家話我好食生冷野!) 但真係食唔到其他野嘛, 而我在健康院D姑娘都係咁提議我食D冷盆, 只要唔係真係太凍就可以了, 因為如果輕多過10磅有機會要入醫吊鹽水架, 我有左頭4個月, 真係食過幾多舊肉都數得出呀, 咁唯有食多D菜補翻數啦, 比D心機啦, 過左頭3-4個月日子會好過好多架勒!

我未有之前都係得96-100磅咋,依家21週(6個月)都係重左10磅咋,你頭三個月唔洗專登食好多野架,自己吸收哂.因為第四個月先開始bb吸收,最仲要係餓就食唔好比自己餓,飽就放低唔好怕浪費!!檢查姑娘check過無話你過瘦就得架啦!!我上次去健康院16週,比再上一次去重左兩三磅,姑娘話我磅數keep得好!!你未夠三個月樣樣小心d,唔好咁粗勞仲緊要啊!!如果都係擔心檢查時唔好怕煩問姑娘啊!!我都係咁,小小事就問..
希望你同bb都健健康康!!

唔怕，我個時倒輕ｔｉｍ啦，姑娘話早期只要一日食多一塊白面包就夠ｂｂ一日所需，你食乜ｂｂ會吸收先，所以如果你食唔夠，係瘦ｏ係你身上