我想問下有關[大關旅行社]既一d野!!

八六年最出名既鬼故

八六年最出名既鬼故

八六年o既新春，大关旅行社一个女领队带团去海南岛，果时o既海南岛无咩夜生

活，所以女领队o向到o左当地o既当晚，( 初一晚 )买o左好多花生啤酒，同班团友

坐o向空地度，倾o下计谈o下心，差唔多时间就返酒店休息，仲讲定第朝几点o向

酒店集合。

当中有两个来自香港o既单身男团友被编入同一间房，或者过惯夜生活o既佢o地，

太早训唔着，所以其中一个提议去附近一个叫小东海o既海滩倾o下计，到达后，

一个o向海滩玩沙执贝壳，一个落o左海滩游水...过o左阵，执贝壳果个男仔发觉另

外个男仔游游o下水唔见o左，都不以为意，以为男仔游游o下水可能上o左岸返o左

酒店，所以佢唯有自己返酒店，无汇合果个男仔。第二日，果个男仔仍然无返酒

店，领队问起，佢就话寻晚去过边度边度，于是领队同导游都推算呢个男仔可能

离开o左去探佢o向海南岛o既亲戚。经商议后决定由个领队留守酒店等个男仔，导

游同其他团友继续出去玩，可惜羌侏个导游玩完返o黎，个男仔仲未出现，领队同

导游最后决定报警，结果，o向附近o既小东海捞起o左条尸，领队同导游认尸后，

証实系果个失踪o既男仔......尸捞起时，全身白肿，口同鼻孔都塞满沙，死状恐怖

；由于新春期间医院唔开，所以条尸被逼运去佢地住o既酒店，开到最大o既冷气

再用冰密封，市政府同时亦通知死者o向香港o既家人尽快o黎认尸。

可惜新年期间，办出入境手续好麻烦，结果佢o既家人延误差唔多两个礼拜先赶到

去。市政府解剖尸体后，未等佢家人过o黎就烧o左条尸，最后佢o既家人获旅行社

三万蚊o既赔偿，佢家人亦将佢o既骨灰带返香港，事情暂时好似告一段落.........


两个月后，果间旅行社再派团去海南岛，领队同样系果个女仔，入住同一间酒店

。第一晚，个女领队沖完凉后上床休息，熄灯后突然听到洗手间有花洒声传出，

女领队可能因为太倦，所以无理会照训，第二朝起身，发觉自己唔系训紧自己张

床而系房间外o既走廊... 第一反应当然吓亲，下意识以为有贼，于是立即检视自己

财物有无唔见，结果一切安好，女领队心已经一怯，不过都当无事发生。同一日

，当女领队带完团友出外再返酒店后，整团团友o既行李发觉被离奇地掟出走廊，

果一晚，女领队上床准备休息，当熄灯后，女领队清楚咁听到外有人敲门，夹杂

一把声：「领队，带我返香港......」后来，大关旅行社包架机，载一班法师过去

招魂同超渡，报纸都有卖，几大阵象o下。后来件事平静过来，不过女领队返到香

港不停发恶梦，有大师教佢，自己一个人住同一间酒店、一间房，第朝o向死者遇

难o既地方将见到一个椰子，将呢个椰子带返香港就无事。女领队最后照做，事情

最后都完结。到宜家，再无人敢住呢间酒店，连服务生入夜都唔够胆再入去 ......