同男朋友 daddy n mummy嘅誤會.40分有心人請花5分鐘睇睇~

睇完你篇問題, 亦都好贊同上面位先生/小姐既見解...

睇唻佢父母都唔係太鐘意你啦(恕我直言), 從你既問題中我諗佢地本身都好少同你講野, 大多數都係你問/講, 佢地都唔理, 係咪?? 原因主要我諗係, 因為佢地只得佢一個仔, 由細到大都希望可以比到最好既野個仔, 好多野都幫仔仔揸主意, 好理所當然咁認為第日既新抱一定要對仔仔好好先得... 睇落你bf 都應該係一個非常孝順仔, 所以都唔敢逆老人家意思...

唔知你係咪一開始已經做左d野令到老人家(媽媽)唔鐘意, 佢有潔癖自己洗碗冇問題, 因為驚你洗得唔乾淨, but 狗狗單野就睇得出佢地唔多like你囉...

如果仲有機會下次去買餸, 建議你都係主動叫佢媽咪出門口好過見到佢著哂衫先知道, 做咩都主動d (如果你想同你bf有將來的話) 因為家庭壓力而分手既個案都唔少架~~ 不防問下你bf知唔知點解佢父母唔鐘意你(我諗佢一定知既, 係講唔講你知姐)

記得醒目d呀, 唔好人地叫你先郁一郁... 你知道佢媽媽病未好既, 不如買d野比佢補下身呀... 如果佢地唔想你去佢地屋企, 咁你咪叫bf.拎去囉, 點都算有心呀...

你叫試下主動d上去佢屋企煮飯比佢食na~

你們幾大呀? 如果都有二十幾歲就要想清楚你男朋友是否真的咁愛你, 佢阿媽做到咁明顯, 你男朋友都唔為你出句聲, 咁你又唔問吓佢想你點做, 有時要正面去知道結果, 才能找出相處辦法, 好多獨仔阿媽都以為個仔女朋友會同佢爭地位, 你可能唔係咁想, 但人地三人生活多了一個外人, 總要比人有適應期, 時間可長可短那要睇你自己如何處理嗱! 如果你幫洗碗佢唔想你做的話, 咪做收那個如果佢話唔駛的話, 咪大聲但要溫柔同講我有份食所以阿媽教要幫手架, 相信佢唔會叫停你呀? 同你男朋友傾吓先, 但千其唔成日叫佢出街, 唔係佢阿媽真的以你教唆佢個仔時就更煩, 如果你仲年青認識多幾個男性朋友先慢慢選擇吧!

睇完你篇野，我相信你在 bf 的父母眼中，印像麻麻，尤以伯母為甚。他 daddy 好少在家，但一開口就話你們懶到出汁，可想而知伯母告左幾多枕頭狀，落左幾多藥。從這一點，你就應知道你在她心中的輕重了。
雖然你話你心都很想幫手做家務，但得個齋想，冇行動喎，伯母都心中有數，如果唔係佢 daddy 都唔會咁話你地喇。
你要改變他們對你的印像，想攪好關係，相處融洽，只有付諸行動，用行動來說明一切，就是最好的補救，不要想一套，而做又另一套。

照睇你個case, 我覺得雖然你成日都上你bf 屋企食飯,
但係佢地好似真係無當過你係自己人喎!
好多野凈係好夫hin 你, 睇得出你bf 好想你融入佢屋企,
但係佢地兩個老人家就好似有d抗拒,
尤其你講到你男朋友叫你陪佢阿媽去買餸,
佢阿媽叫都無叫你就自己走左去, 仲有就係佢阿媽連雙狗餵藥都唔想俾你餵,
到最後你同你bf 話煮飯修補關係, 佢地都唔回覆你,
睇黎佢父母似乎唔係太接受你啦!
我睇完你篇野, 都覺得你bf 多多少少知道佢父母點睇你,
亦都受佢地影響, 所以我覺得你最好都係同你男朋友講清楚,
問下佢你到底有乜野做得唔好, 同埋佢地(母子三人)想你以後點做,
我覺得如果你攪唔掂佢父母, 你都幾難入門!!!