韓國綜藝節目

1.神話o既hyesung有兩種好著名o既舞蹈~第一種係「螃蟹舞」，第二種係「媽媽給我買」，你講緊o既係第二種，其實都係因應番個綜藝節目情書而比hyesung發明左出o來搞笑~其實你上youtube搵應該會有

2.佢地3個當中我相信以金鐘國最紅，佢幾年前一首「一個男人」已經hit到爆，近年亦有「可愛」，「原地踏步」等，如果你有睇問x-man就會知道有好多女星都當金鐘國係偶像，包括蔡妍同bin，雖然近年入左伍，但佢仍然好受歡迎

而蔡妍03年憑一首「危險的演出」廣為人知，之後一首「兩個人」推上事業高峰，成功o既人氣歌謠得到no.1，「兩個人」呢首歌幾乎每個韓國人都識哼~佢地亦好鍾意o既na nanana nananananana後面加個爽！而佢今年出左第四輯主打歌my love亦相當受歡迎，當中o既舞蹈成日比其他藝人模仿~好似希澈咁，另一首「一個人」受歡迎到係為左應fans要求先出 mv；而我家姐前排去左韓國，佢話周街都聽到my love~而o係電視上亦經常見到蔡妍，而my love o係音樂中心亦拎左no.1~ 而某個網站經觀眾投票後選出蔡妍為六月女王，佢o係韓國人氣應該十分勁

而李胜基代表作應該係「姐姐你是我的女人」，因為綜藝裡面成日對住蔡妍唱，另外「講不出口的話」亦好受歡迎，不過佢始終仍然都算係新人，所以應該唔會太紅，但人氣應該唔差

3.前排起范有出演過精神統一

4.女杰已經停播左冇播架喇而家

5.而家比較hit o既應該都係精神統一，come to play或者夜心萬啼

6.夜心萬萬係一個talk show，會出唔同o既主題要d guest估答案，從中又同佢地傾下計咁，你睇完之後會更加了解咁藝人，係相當之唔錯架個節目

7.李民基o既夜心萬萬你上youtube search lee min ki應該會搵到

雖然答得唔係太詳盡~但希望幫到你

睇英雄豪傑同running man啦.好好睇的綜藝節目!