買小提琴問題 : 去買 scott cao定係透過老師買好 ?

本人認為你應該多D四圍試琴，從中搵一個標準。如果你預算係$20000左右，千祈唔好買德國琴。因為德國係世界最貴人工嘅地方，就算係$40000嘅PAESOLD、HOFNER都可能係中國造。我去到四川，尋訪一D專造訪製古琴嘅師傅，佢哋用嘅木材同意大利琴用嘅表面上完全一樣。不過佢同我講，塊木只係值$20。好多大琴行，甚至大琴廠都有四川木、德國牌子嘅琴，可能連賣嘅人都唔知。
不過，你唔需要介意琴嘅身份，只要好拉，邊度造都無所謂。其實就算係老師都未必可以幫你搵到滿意嘅。你都咁高級，應該主動認識吓。我由8級開始週圍試，到而家我拉過過千隻琴，發覺價錢同質素唔一定係掛鈎。我都拉咗15年，7歲學琴到而家。15歲學睇琴，發現喺香港最唔值得投資舊琴，因為保養維修太貴，而且大多都係假舊琴，就算係真，琴音都係愈來愈差嘅居多。

Scott Cao Outlet

我同意tdsdjkch所講, 你既然學到咁上下, 已經有能力自己擇琴, 如果你要透過老師買, 你最好同佢一齊去, 因為岩佢既琴唔一定岩你, 一定要自己拉過。
我唔係好鍾意去琴行買, 我部琴就係我既老師帶埋我一齊去買, 佢有外國朋友係造琴師傅, 音色唔錯, 價錢都幾公道。
另外, 我認為唔一定要買新琴, 我朋友的級數比你更高, 用的是古董琴, 價錢只是3萬多, 你可以考慮一下, 但我就唔知邊度買。
希望可以幫到你

在香港買舊琴的確好多是假的, 所以一定要買有證書既琴。但係所謂既證書都有好多種, 只有一d國際既權威所發既先有用, 好似Strad/ Guarneri 那些要Hill &sons, Bein & Fushi, J.A. Bear 先有公信力, 當代意大利琴要Eric Blot, 唔同國家既琴都有佢地既權威人物, 而且證書亦有不同級數, 有分"係佢做","好可能係佢做", "佢Workshop 做", "好可能佢Workshop 做", "佢既Style", "佢既學派"等, 唔係有證書就係真。 至於坊間有好多用"保險證明書"或類似既野既所謂證書就最無用, 因為俾錢佢就出。要少心。仲有德國琴最唔抵買, 好多假, 而且唔保值, 除非覺得把聲好好啦。仲有買舊琴一定要唔好買裂得好勁既琴, 第時維修超貴。

透過小提琴老師買

小提琴無論國產手造或歐洲琴都有質素好好的,主要是小提琴它本身可達到甚麼級數,簡單說就是在技術上可拉奏到演奏級的小提琴協奏曲而音色接近cd的為佳,並無價錢及出產地限制,以出產地及價錢去衡量為不智也。

我比效喜歡給老師買。

我會覺得經老師買會較適合
因為老師會知道那一款較適合學生使用
自己去買可能會平少少
但係未必合用