如揀選了用月供基金方式來做退休儲備，咁應該揀在銀行做呃？定揀返所選之基金公司度做好呢？

如果有銀行肯做, 一定揀銀行，我知HSBC的基金儲蓄低至1,000元一個月(HSBC)，可以的話，也可以嘗試。不過銀行未必可以一站式供基金，恆生就只接受恆生指數基金做月供計劃。

如果供多過一隻但又唔同基金公司的話，除了去唔同基金公司開戶，重可以去IFA問問，我知道係可以供唔同基金公司的基金，都算一站式服務。

無論如何, 最緊要唔好買任何有年期限制既投資計劃，因為而家銀行同IFA都好似保險經記一樣狂sell 投資計劃；鬼咩，所有投資人計劃都有年期縛死投資者，收費貴，所以佣金高。對我地投資人者, 絕對不利, 所以我係非常唔贊成買任何的投資計劃。

其實你重可考慮強積金額外自願性供款。一般的月供基金，都要付最少2%佣金(恒生銀行)。而且基金多以美元結算，每次都要蝕貨幣轉換差價。投資強積金額外自願性供款不需付佣金，不過就要考慮你的強積金在那一家買。要享受月供最大的好處，應選擇波幅大而又長線向上的基金，相對來說，強積金會波幅太大。如你的強積金只有環球股債，成熟市場，當然就唔係好選擇。

好似我朋友, 佢供了五年滙豐強積金都是負回報，當然不應加大投資；我妹妹的宏利強積金就一直正回報，自願性供款就絕對可以考慮。特別係宏利既中華威力基金係名牌基金經理人的產品, 如果唔經強積金供款，一係你有120萬做一次過投資，一係你俾5%認購費，咁強積金額外自願性供款供宏利既中華威力基金一定係你個杯啦。

你可以參考香港投資基金公會提供的強積金表現數據
http://www.hkifa.org.hk/chi/pricenperformance_mpf_funddata.aspx

明報財經頻道有所有强積金表現訐級，你到這個網址，輸入你的強積金公司就知道
http://www2.mpfinance.com/cfm/MPFQuote2.cfm?DisplayName=%B6%D7%C2%D7&Period=YearToDate&MPFCategory=&Rate=

查實理財係唔簡單，煩唔煩好睇個人感受，如果錢唔係問題，你可以兩樣都試下，只要唔係買任何有年期限制既投資計劃, 都可以再調整，唔好因此影響自己投資開始，需知道，投資係越早越好。

其實競爭激烈，所以不論基金公司、銀行等等，都有若干優惠，多少視乎投資額。

如果你供超過一隻基金，到各基金公司開戶，於管理上確實會有一點點麻煩，看你自己個人選擇。銀行或者 IFA 亦會是選擇之一，因為銀行的角色亦只是分銷商，只是代基金公司收費而已。

除管理上的方便，更要考慮基金的選擇、各項收費、轉換時的彈性等等，有部份基金更會收取表現費用和贖回費用。

另外，回報雖然是大家所關心的一個環節，但回報是不保證的，自 911 以後幾年，很多國家的經濟都慢慢回升，帶來一個很不錯的回報，別單被這些回報所吸引。另外你的目標是為退休作準備，所以即使有年期的計劃亦未必不適合。

在這裡問，回答者的素質如何很難知道，小心篩選，避免過份主觀的回答，建議最好用一點時間比較清楚和問清楚

yah_wong

不論是銀行或保險公司或基金公司所推出的基金選擇, 回報, 收費等, 都是你要考慮的, 因有些是每樣均要收費, 如轉換基金費, 買賣價等, 另外, 便是要考慮其服務, 如銀行, 只可於辦工時間與他們聯絡, 基金公司或保險公司, 會有 agent 跟你的戶口,

我現時在某大保險公司購買了一基金計劃, 只收管理費及如在未到之年期走, 才要贖回費, 其基金表現很理想, 平均有 20% 回報.