元朗邊間護理安老院服務好(政府買位)？收費如何？

Zebra

2007-06-28 8:35 am

我有位親人(伯伯)住開一間護理安老院，但家人覺得照顧得不好，皮膚很差，想搵過一間護理安老院，我知佢應該攞緊社署的綜援還是傷殘津貼？？(詳情唔太清楚)，只知佢而家住緊果間唔使佢屋企人俾錢，因為伯伯有退休長俸，每月大約二千元，存摺俾左而家間院扣數，我想問下如果轉去第二間，會唔會要佢屋企人俾錢架(因為價錢不同)？
其實會唔會間間院收費不同，扣左綜援同長俸，剩下的就要家人俾架喇？我唔係好明，麻煩大家解答同埋推介一d元朗私營護理安老院(政府買位)、收費、轉院須知同經驗分享，謝謝！

回答 (1)

三少奶

2007-06-29 5:55 pm

✔ 最佳答案

我奶奶而家响洪水橋恩奇護老院住緊，每個月好似係五千幾，因為係尾房，有窗，所以係貴啲。我覺得呢間已經唔錯，佢係獨立一間板間房，當然唔係由底間到上頂，但每個人都有自己既私隱，呢度就幾好啦。啲姑娘態度都幾好，佢係分男女房，亦有夫婦房，亦有特別護理房，價錢唔係劃一，所以要自己問下。由護老院方面向申請社署申請津貼﹙其實係奶奶以個人身份申請綜緩﹚，因為奶奶有傷殘金，所以，社署補貼之後，我地仲要幾份人夾錢，不過都唔係太多既。

詳情你可以去老人院問下，順便睇下環境，佢地都好樂意解答。

幫你搵左個網址，內裏介紹其他老人院，你都可以作參考。

參考: http://www.sr60.com/HK/topic_8635.html

👍 0 👎 0