阿仙奴將會步拜仁後塵?

第二位回答者講得啱，一定要留住雲加，只要佢肯留低就咩都有數講，但佢而家做得好唔開心，如果唔係咁亨利都唔會選擇離隊(亨利話唔敢喺一隊無雲加嘅阿仙奴踢波，始終自己下年都三十一歲)。所以阿仙奴一定要快啲搵番前高層甸恩番嚟幫雲加，就算搵唔番佢，都要搵到一個同佢立場差唔多嘅人返嚟。
其實亨利喺宣布離隊前大約兩個禮拜曾經到過中國做宣傳，佢喺訪問中話阿仙奴必須要搵到多啲有經驗嘅球員加盟，如果唔係一定唔夠曼聯同車路士爭。可惜阿仙奴啲管理層衰孤寒，之前話俾大約三億港元雲加買人，但而家除法比安斯基之外，咩人都買唔到，但人就越走越多－亨利、巴迪斯達、亞利亞迪利、盧普利、潘姆同姆安巴(法明尼都好大機會走，雷恩斯亦都講明唔想返嚟倫敦，可以當佢都走埋)都已經離隊，加埋上季走嘅蘇甘保、羅倫(今年一月離隊)、皮利斯同艾殊利高爾(舊年都只係得路斯基、加拿斯同丹尼遜加盟，另外巴迪斯達外借一年，但阿仙奴唔肯買佢，所以會返皇家馬德里)，阿仙奴嘅實力真係比幾年前差好多，成績走樣都唔出奇。
不過，上季亨利大部分時間受傷，阿仙奴都勉強保得住個第四，就足以證明阿仙奴「爛船都有三根釘」，亨利亦都話阿仙奴喺佢離開之後應該唔會冧住，下季應該保得住個歐聯席位。
但係阿仙奴再唔買人，我諗過幾年之後就真係會冧，列文踢埋下季應該會返德國踢波或者退休，基拔圖施華亦應該最多踢多三季，龍格保就會喺2009年約滿(個人相信佢唔會再續約)，另外路斯基同希比今年都廿六歲，幾年後水準會唔會下滑呢？加拿斯同亨利係同年同月同日生嘅(17/8/1977)，八月就三十歲，有無人接到棒呢？另外幾支大球會都對法比加斯同雲佩斯虎視眈眈，如果踢唔出成績，佢兩個會唔會要求離隊呢？另外阿仙奴會唔會好似曼聯咁，俾啲青年軍上位呢？
以上嘅問題其實值得阿仙奴高層諗下，我作為阿仙奴嘅球迷，我真係唔希望雲加離隊，因為阿仙奴而家踢緊嘅足球係雲加一手打造嘅，如果佢離開阿仙奴，呢種足球就可能會消失，咁樣真係好可惜。我相信熱刺只會變得越來越強，阿仙奴如果真係好似啲英國小報咁講負緊債嘅話(我唔係好信)，就應該踢得更加好，攞到歐聯參賽資格，賺更多錢嚟還債。
我覺得我哋唔可以話阿仙奴會步拜仁慕尼黑後塵嘅，拜仁慕尼黑舊年其實衰在啲新丁交唔到貨，同埋用小將用得太急，當然波歷克都有啲關係，但防守差先至係關鍵。阿仙奴而家走咁個前鋒，對防守影響應該唔係太大，最緊要買到個好嘅前鋒(賓特拿火喉未夠，艾迪巴約把握力亦唔好，未可以擔大旗)返嚟。咁樣應該可以暫時彌補亨利離隊嘅空缺，但長遠唔可以剩係買兩三個人就算。

2007-07-04 11:19:46 補充：
最新消息：阿仙奴已經羅致巴西裔克羅地亞24歲前鋒達施華(Eduardo da Silva)，呢位球員就係第一個喺歐洲賽喺酋長球場入波嘅球員，大家有印象嘅話，羅賓遜舊年曾經喺一場對克羅地亞嘅比賽中踢空氣而令到加利尼維利擺烏龍，當日達施華亦有射入一球世界波。

我覺得好大機會係啦...不過就算真係保唔住歐聯席位...佢地都唔會買人...因為佢地冇錢...=.=

點解亨利會走，因為阿仙奴下年會放走雲格。

點解雲格會走，因為雲格日日放走Ｄ人，所以阿仙奴會放走雲格啊！

阿仙奴可能會０７-０８只得第１２名。

阿仙奴可能會步拜仁後塵。

阿仙奴可能會保唔住歐聯席位。

如果雲格不走，可能亨利不會走。

阿仙奴可能會保住歐聯席位。

唔一定ge!
我應該信任雲格,他出名用最少錢,買實用的球員!
而且阿仙奴的年青球員都好出色!

我認為阿仙奴唔會步拜仁後塵，
因為如果要阿仙奴既成績不停跌，
最關鍵既問題係雲格既青訓同戰術，
雖然話亨利走左，
不過我覺得只要阿仙奴既年青球員能夠掌握到雲格既戰術同打番阿仙奴既進攻戰術，
阿仙奴既成績應該係不跌反升，
因為年青球員都會長大，變得成熟，踢法更加勁。

至於話熱刺會愈來愈強，我就覺得唔係，
可能熱刺下季成績會升，
不過我覺得熱刺既問題在於後防既「卡士」根本去唔到一流水平，
除非佢能夠解決後防「卡士」問題同找到京治既接班人，
否則熱刺只可能勁一兩年，過幾年就會打回原形。

不過我覺得能夠挑戰阿仙奴地位既球隊都有一兩隊，
例如雷丁同紐卡素。
雖然話雷丁係升班馬，但佢地既成績都好勁 (對升班馬來講)。
而紐卡素，我覺得佢地因為轉左領隊，來季有機會有不少進步。

一隊球隊還一隊球隊
兩隊係唔同的
阿仙奴以家ge問題係:
一定要留住雲格
如果唔係真係會走樣
希望阿仙奴ge一班後生仔
會help到阿仙奴la