如果鼠鼠養一齊...

我自己覺得,同種唔同種,同性別or唔同性別都會打交,最好唔好將2隻鼠放埋一齊,先係對鼠鼠最好既,咁先一定唔會打交打到流血,打到死

多過一隻鼠既多數都會話佢地玩下,唔打到流血就冇問題,其實玩下既定義真係好難講,兩個人既小朋友打交,係玩下定可以話佢地係"打交"呢?

倉鼠唔同人,人好少話打死對方,因為人唔多唔少都會有自我控制能力,但鼠唻講,佢要面對適者生存既道理,為左保護自己而打交.雖然已經成為左寵物,但總有打交既可能吧.

鼠係夜晚活動,萬一佢地"玩下"既時候係半夜點算呢?萬一真係"玩下"之後玩到流血再去處理,會唔會太遲呢?甚至可能你一訓醒佢地死晒,會仲傷心吧?

就算你相信d人話一齊住冇問題,都會有以上既問題,愛錫你既鼠鼠,請為佢諗下,如果你係佢,想有一隻每日都有機會同佢"玩下"既生物嗎?

我自己細個都有養2隻既情況,又係聽人講2隻冇事,結果因為咁既情況下死過好多隻鼠,當然都有d生存落唻,但都有受傷既情況,我當時都以為佢地係玩下...
2隻唔同性能既生一堆出唻,除左會見到佢點食佢既bb之外(當年發惡夢發左好多日),2隻同性別既我都試過,兩隻好夾既兄弟or姊妹都試過,結果最恐怖既,係打到頭甩腸出,個感覺真係到而家都歷歷在目

真人真事,有一次行街,去睇下d鼠,唔知佢地食緊咩,睇耐d先知,係一堆白骨...原來佢地食緊一隻鼠,當然鼠店既人唔會同你講有d咁既事啦.但其實新聞定雜誌有講過,90年代,開始有鼠店成立,之後有報導話發現有部份既鼠店日日都有一埋鼠屍....就算而家,我諗做過寵物店都知一定有死鼠

唔知你想養多隻男定女,我就好反對人養倉鼠唻繁殖or一籠多鼠,,因為真係有好多問題,希望你真係可以考慮一下以下幾點:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.

唔需要一定信我,但如果當打交既情況有50%機會出現,係咪真係值得你俾你既鼠既生命去博呢?我都好鍾意鼠,到而家我都非常渴望可以一籠多鼠,但我絕唔會俾打交生bb呢類事情再發生(除非買返唻本身有左bb我又唔知)

2007-06-27 20:54:20 補充：
仲有,你隻鼠買左一段時間,再買多隻返唻,好相信打交既機會率又高d,當然,就算一出世一齊住,都會打

2007-06-27 21:27:28 補充：
睇到話籠大小可能同打交有關,但我自己就覺得唔係我用既籠都算幾大,以前既冇而家既咁大,但都唔係細幾多,可惜以前冇數碼相呢樣野,而家既籠就可以俾相你睇下,籠上既鼠係熊仔鼠,好大隻既,可以按比例知道籠既大小http://i176.photobucket.com/albums/w162/kelvin320/070627-4.jpg細個既時候,就用都算唔細既籠,兩兄弟同一籠,1間屋仔變2間,3間(有人話多d屋仔就唔打),最後,就係出去一陣就死晒個人照片,煩請唔好copy,謝謝!

我養倉鼠ga，最高峰時成四十幾隻。
佢地係可以群居，但只限由細個就一齊。因為一到大個要爭呢樣果樣時，不分男女都會打交ga！到時就要分籠啦。
而有四十幾隻的原因係因為我買左隻囡囡返黎陪仔仔........之後開枝散葉.....

同性的話，長大後容易打交，但睇下你個籠有幾大啦？如見到佢地打到會咬對方或者不停追住打的話就要快點分開。否則會流血的！

> 之前睇話倉鼠係獨居 ge,,
> 但我見寵物店果D又一堆咁住……
> 到係係點？？

寵物店d 鼠鼠都會打架ga, 不過佢地做生意, 邊有咁多寵黎分?
更何況果d 鼠鼠仲細, 鼠要到大左先會爭地盤

>同埋如果一齊住後唔係一定要同品種？？
>如果唔同可以同邊種？？

唔洗同種, 但要夾, 唔夾會成日打架, 亦要小心佢地大肚o既問題, 生左唔同種o既會比較弱

要分籠
because 一堆the 倉鼠will beti together!!
together need 同種

我有個fd擺埋牠們一齊住,
結果生好多隻bb...
睇返書之後,
書話要分開住~
避免打架,,,
同生太多bb!!!