荃灣有咩通宵車返mk/油麻地??

方法有三 :

方法一 : 搭通宵小巴 ( 約 $10 ) , 見到佐敦道嘅目的地就可以上 , 通常係紅van , 可以喺大河道天橋對面紅綠燈 ( 吉野家嗰邊 ) 等車或眾安街巴士站 ( 千色店對面 ) 等車 ( 又平又快 , 建議首選 )

方法二 : 搭N260 ( $9.1全程 ) / N269 ( $10.5全程 )【以上兩條通宵線係中途收費 , 要上車睇幾錢】) 通宵巴士 ( 車站為荃景圍天橋 , 愉景新城 , 荃灣地鐵站 ( 即青山公路荃錦中心對開 ) , 眾安街 ) , 去到美孚再轉N241 ( $13.3全程 , 中途收費要上車睇 ) / N122 ( $12.8全程 , 應該要俾足全程 , 因為係總站 ) 去到旺角或油麻地落車 ( 好麻煩 , 但都係方法之一 , 唔係咁建議 )

方法三 : 搭的士 , 有錢D嘅趕時間嘅可以選擇 , 又快又舒服 , 不過要負擔得到先好 ~ 因為可能要成80蚊以上 , call的士都唔會平得去邊 ( 非快不可先選擇 )

荃灣有通宵van, 由元朗開出經麗城, 大河道去旺角,佐敦.

褔來村停車場有小巴由元朗至佐敦道

你可以係荃灣大河道恆生門口巴士站等車la...所有出mk/油麻地都會經果度