關於「創紀教育中心」的美容課程

如果我同你講,個間大規模美容公司係佢開既,你會唔會有返信心?

1.一定有保障,因為7月到,東方日報就會有一頁全部都講d一間學校,
ps:東方日報係全港銷售最高既報紙,你會唔會覺得佢出假野

2.知唔知點解前幾年有單咁既野,因為前幾年有行家同東方日報講,要求佢地"老作",
但係東方冇咁做,因為佢一"老作"就會比蘋果日報告,兩個係死對頭,我念你都知,
跟住行家就比東方拒絕左,佢就搵左其他報紙既記者,然後就"老作",但係無論佢點老作,
我地學校都係全港收生no.1既私校,點解呀?因為課程有質素囉!!我地唔會怕比人
"老作",因為好既野,始終都係好既

我覺得你應該睇清楚,佢e家既規模已經係好大,遲少少會有更多既課程推出,
如果你信d唔多人買既報紙,週刊,點解唔信下你個朋友呢?

我地學校既傳理系有頭條新聞既李超榮,遲d有曾sir28 show個曾sir教財務,
重有一個有5個學位既freeman,我地營養有成日係都市閒情既個位四眼仔,
佢係碩士,仲幫唔少報紙週刊寫專欄,

你再有唔明咪add我囉 [email protected]

創紀教育中心呢間野我都有個fd比佢厄左

其實唔會厄人ga...

一係我介紹d信譽好ge顧問俾你呀

可以當知多d

add我msn: [email protected]

學生報讀課程 矇查查簽貸款
財務公司追數 教育機構涉違規
　近年青少年失業率持續高企，不少人有感自己學歷低，急於進修提升自己，但部分教育機構經營手法有問題，一間名為創紀教育中心的私校，竟替學生向財務公司貸款，一次過收取學生全數學費，涉違反教署規定；其後學生沒上學被財務公司追討還款，才知悉當日簽署了財務公司的貸款書。此外，該所教育機構更被懷疑以層壓式手法推銷課程。本報專題組報道


　中四畢業後出來工作已有一年的阿輝（假名），於5月經朋友介紹，到位於太子柏宜商業大廈的「創紀教育中心」（下簡稱創紀）報讀英文課程，他說：「我打電話約時間上去，想睇佢課程，佢就叫我帶埋糧單、信用卡及住址證明。」

　經學校職員介紹後，阿輝決定報讀12,600元的英文文憑課程，他先以信用卡一筆過付了四千多元，餘數則以信用卡分期付款。學校職員複印了阿輝信用卡、身份證、住址證明等資料，收了他的糧單，又要他簽了幾份文件，當中包括財務公司的借貸書。

只做練習 唔似讀書
　一星期上三小時課，但阿輝上了三堂，便覺得不對勁。他說：「一班二十多個同學都好怪，成班人唔似讀書，有個款似Sales，有成日度覺，又有師奶咁。上堂Miss只係不停要我做練習同埋對答案，一堂做成六七個練習，又冇機會問，我唔想再讀落去，就冇再返學。」

　數星期後阿輝卻收到財務公司的追款通知書，機構名竟是「創紀」，他才知道，原來學校替他向財務公司借了8,400元交學費，而沒有從他的信用卡過數。「我完全唔知自己借了錢，要簽的文件佢已經填好內容，我只係逐張簽名。」

報警調查退回學費
　據悉，阿輝報名時至少簽了三份文件，分別是報讀學生聲明書、校規及AEON的貸款申請表。讀書要簽聲明書已經奇怪，該聲明書內容更是「騎呢」，學生需回答共八條是/否問題，其中一條是問學生是否自願的情況下報讀該校課程，另外還有問學生是否明白除了報名不獲接納、課程取消及額滿外，學員上學與否，已繳的學費，不會退還，以及是否申請了免入息審查貸款繳交學費等。至於校規文件，則有學生遲交學費，每天罰50元。（記者按：據知該校的分班試，並非在開課前進行，而是安排在第一堂課進行。）

　無端欠下財務公司債款的阿輝，即使退學，也要繼續向財務公司還錢，後來他到學校申請退學，學校職員指依據校規，拒絕退回學費。後來幾經交涉，並且驚動警方人員到學校調查，阿輝最後得到「創紀」開出的一張8400元支票，剛好償還財務公司的債款。

「創紀」已註冊 教局跟進
　有關「創紀」收學費的手法，教統局發言人指該校已註冊，受教育規例所規管。根據該例任何學校均必須每月收費，否則有可能牴觸條例。

　至於是次個案中學校與財務公司的「拆數」問題，發言人稱暫未有詳細資料，難以評論，但強調如果財務公司將整筆為期超過一個月的學費交給學校，學校有可能違規。發言人表示個案已交由油尖旺區學校發展組教育主任調查。

　而學生在不知情下簽署了向財務公司借貸的文件，法律界人士梁永鏗直言等同訛騙，一經定罪，可以被判監禁十多個月。他說：「學校咁做好大件事，因為之前冇向學生講清楚，有同財務公司串謀之嫌；若然學校中途執笠，學生會被財務公司追數，一旦冇錢賠，可能要被迫破產。」