西頁大浪西灣

1.大浪西灣個間士多叫根記士多，電話查詢：2328 2391，找銘哥得啦。
2. 大浪西灣根記士多就唔止有床位出租，仲有渡假屋出租，另外有出租燒烤爐，有沖涼設施啦，仲有唔少得干炒牛河同星洲米食添。
3. call 船走好貴喎，好似成四百元一程，不過你都係打電話問根記士多銘哥，係有得call走，可以托銘哥安排。
4. 大浪西灣無營幕出租的，因為有渡假屋租，就唔會有人仲租營。而且夏天係大浪西灣露營，有時唔用營幕仲正，舖張地蓆一樣訓得，仲好風涼水冷添，好正架！

2007-06-28 09:48:13 補充：
唔知喎！我上次600大元租間大房，話就八人大房，實際就有咁多人入咁多！玩到番轉咁。都未試過兩人價錢，所以唔知就唔點你啦！斷估都唔係按人頭計，係上次就唔止六舊水啦！哈！哈！佢按房計，我租大房，你兩人當然租細房啦，我記得是有細房的，不過唔知是二人計定四人計，因為未住過。所以你都你打電話問銘哥清楚點啦！