新手學養魚仔

早前買咗批魚仔養...
我覺得呢句係重點。雖然唔知你個缸點，設備如何，濾水效能足唔足夠，買得一批過o既，相信係幾十蚊幾條ｘ幾袋，甚至幾十蚊五十／一百條o既袋裝魚，係唔係？
袋裝魚死亡率高架，因為掛左o係條街成日，又熱又少水，之前舟車勞頓，狀態唔會太好架啦，萬一揀得唔小心係病魚就死得仲快。所以最好買缸中o既魚，貴少少都值得。
買魚時同缸有死魚病魚就忍下手，揀魚時要留心魚尾魚鰭有有摺埋，魚身有冇係咁擺動但係又唔游，有冇白點爛尾／鰭，呢ｄ都係明顯病癥。新魚先原袋放入缸令袋內外溫度一致（對溫），再將袋內水倒走一ｄ，然後每五至十分鐘逐少加缸內水入去，等魚適應水質（對水，時間因人而異），最後撈魚入缸水唔要。新魚最後餵完舊魚同熄燈先入缸，以免被襲。平時留意水質，一星期最少換一次水，水溫唔好高過三十度。咁會養得耐ｄ。
但係！返去最基本問題：你個缸。有幾大？開左幾耐？一次究竟有幾多魚落左去？濾水器要時間養菌，ｄ菌會消化水中o既生物廢料，如果一次過太多魚，菌唔夠，廢料清理唔切，濃度太高就有毒。咁咪死魚囉。所以新缸加魚要慢，運作良好o既缸可以快ｄｄ，但都係慢ｄ好；缸細就仲更加要慢。
用呢個計算機 計下，知道魚缸容量，參考數字係一升水養長度 1cm o既魚。多個呢個數（超養），就要用強勁ｄo既濾水器，等裏面大量濾材（＝多菌）同高流量（＝更徹底過濾）應付污染物。你自己計下有冇多過個缸可承受o既生物量？
條屍仲出現咗好多"毛毛"
你唔清理就會發霉啦，因為細菌會自然同你執手尾。但係唔好靠佢地，因為咁樣水質會變差，有機會令更多魚有病同死！尤其係細缸，水質較難控制，唔好懶呀。
其實有咩魚比較易養呢？
根據上面o既要點小心揀啦，平價魚如燈魚、劍、moon，好多都係易養o既，再易ｄ鬥魚啦，異常強健，上水面直接吸氣，死未。但多過一條會打交。平時細心觀察下水質同魚o既狀態，其實要魚健康都唔係咁難。

2007-06-26 23:02:10 補充：
唔記得講：１．濾水器有位就加ｄ生物環添，可以養多ｄ益菌２．餵食以五分鐘食得哂為準，一日一次都夠架啦

**不要餵太多魚糧!**