男性朋友結婚，個女仔幫手做兄弟
2007-06-27 5:38 am
如題，我個男性好朋友結婚，佢搵我做兄弟，女仔做兄弟得唔得架？d長輩會唔會唔高興架？同埋我應該著咩衫先啱呀(最重要係呢樣野)？7月尾咁熱，係咪真係要著成套西裝做兄弟呀我？如果唔一定要著西裝，咁我又可以著咩呢？
回答 (5)
2007-06-27 10:25 pm
✔ 最佳答案
梗係無問題啦! 我有幾個 friend 結婚時, 兄弟團有女仔, 姊妹團有男仔, 都唔知玩得幾開心, 大喜日子, 跟本唔會有人唔高興囉, 而家咩年代呀, 長輩都係想一對新人幸福快樂啫, 兄弟姊妹團係咩組合都唔會害到一對新人同埋佢地嘅屋企人gar, 如果個長輩咁都要干涉, 我真係鄧對新人慘, 以後有排佢地受.其實著咩都無所謂, 最緊要適合個場合, 同埋要尊重新人, 牛記粒記就梗係唔得啦, 你係女仔, 所以無理由著西裝(除非你想中性打扮), 如果新人或兄弟團plan咗你要做D比較粗重嘅功夫, 咁你咪可以著恤衫西褲囉, 方便做野麻, 如果唔洗做野, 你咪著裙囉, 不過我覺得無論著裙定著褲, 都一定要著高蹭鞋, 女仔著高蹭鞋靚D高貴D gar.
2007-06-27 8:41 pm
我有個朋友(男仔o黎), 佢個同學女(新娘)都有搵個男仔做"姊妹"啦, 因為由細玩到大, 所以好熟, 最緊要o既係新人雙方屋企人批准o既o者. 正如妳, 妳最緊要係問准新人雙方屋企人. :P
2007-06-27 7:13 am
其實男性朋友結婚 搵你做兄弟定義係咪叫你做姊妹咋?
其實結婚果陣 兄弟唔一定係男性既朋友先得女性朋友都得KA
同樣做姊妹都係男女相方朋友都得...唔一定係女方朋友
你女仔之家應該做姊妹先係.....
D長輩未必接受到女仔去做兄弟....太潮囉- -
其實結婚果陣 兄弟唔一定係男性既朋友先得女性朋友都得KA
同樣做姊妹都係男女相方朋友都得...唔一定係女方朋友
你女仔之家應該做姊妹先係.....
D長輩未必接受到女仔去做兄弟....太潮囉- -
2007-06-27 6:34 am
恕我見識少, 搵女仔做兄弟我都係第一次聽, 我個人覺得幾有趣, 但係應該唔得掛, 話明係兄弟喎, 搵女仔做? 而且d長輩未必咁開通, 真係有機會唔高興, 不過如果你一定要做, 咁著咩衫都冇所謂, 著西裝其實唔錯, 但係而家天氣咁熱, 恐防會中暑, 都係睇你自己鍾意啦, 只要尊重主人家唔好太隨便就得喇
2007-06-27 6:19 am
女仔點做兄弟呀，你問下你D女仔朋友結婚個陣，會唔會揾個男仔做姊妹攞開門利是呀？D長輩實唔鐘意啦。
係男仔點都著返套西裝啦，尊重自己、對新人同個場合呀，況且西裝好方便，都唔駛煩點襯。係女仔，大把野著啦，deep V露背想熱都難啦。
係男仔點都著返套西裝啦，尊重自己、對新人同個場合呀，況且西裝好方便，都唔駛煩點襯。係女仔，大把野著啦，deep V露背想熱都難啦。
收錄日期: 2021-04-12 16:47:06
原文連結 [永久失效]:
https://hk.answers.yahoo.com/question/index?qid=20070626000051KK04458