保釋問題 ?

一般黎講, 法庭在考慮俾唔俾疑犯保釋, 會考慮下列因素, 而唔係純以某一條罪黎決定:
1. 如該人獲淮保釋, 他會否危害公眾安全? 所以涉及暴力, 武器或軍火的案件(例如:殺人, 行劫, 藏械, 嚴重傷人及強姦等等)一般都唔會獲淮保釋.
2. 如該人獲淮保釋, 他棄保潛逃的機會多大? 如被判有罪, 佢係唔係要面對一個長刑期監禁? 所以無家人在港, 無固定居所 (例如:外國人, 北菇雞), 無業, 曾棄保潛逃等等的人一般都唔會獲淮保釋.
3. 如該人獲淮保釋, 他會否騷擾証人? 所以涉及黑社會的案件一般都唔會獲淮保釋.
4. 該案是否有疑犯仍然在逃? 如該人獲淮保釋, 他會否影響警方查案及追輯在逃疑犯? 所以大單的運毒案一般都唔會獲淮保釋.
5. 批淮該人保釋, 是否會與公眾利益不乎? 呢條係最有 "彈性". 謝霆峰都係因呢個原因拋左十幾日...
你朋友被告販運大約15克可卡因, 刑期要睇果d可卡因粉末内實際的可卡因含量, 即係俗稱 "純度". 根據經驗, 15克的可卡因粉末内實際的可卡因含量約為50%, 即係7-8克. 而高等法院的量刑指引是10克內2-5年, 20克內4-7年. 所以你朋友應會被判監約4年, 未計佢收受賭注果條罪. 而因為可能要坐的年期較長, 法庭會覺得你朋友棄保潛逃, 選擇走佬唔去面對坐監的機會大, 所以無得保釋 (請參照以上no. 2).
第一被告無得保釋, 係因為可能仍有共犯在逃, 或警方仍在調查該案 (請參照以上no. 4).

2007-06-27 17:17:33 補充：
唔明你話乜野會唔會影響到第一被告既判刑. 請詳述, 睇吓答唔答到你.

2007-06-28 13:10:41 補充：
1. 他們同一單案, 係要一起判. 2. 唔會. 3. 根據香港法例第148章 "賭博條例" 第7條 - 收受賭注 - 第一段, 任何人如一次或多次從事收受賭注或以任何方式認作以生意或業務的形式招攬收取商議或結清賭注,即屬犯法. 循公訴程序定罪後, 可處罰款5百萬及監禁7年. 個人認為, 九十萬賭注大約判年半至2年.4. 真係無做, 唔應該認罪.

2007-06-29 12:37:59 補充：
1. 高等法院唔係判刑要7年起步. 裁判法院最多判刑2年, 區域法院最多判刑7年, 而高等法院判刑就無限制, 由14日到終身都得.2. 除非係好少量毒品, 否則販毒通常要上高院.

2007-06-29 12:41:01 補充：
3. 我當你朋友會被判監約4年, 即係48個月. 如果佢認罪, 可得到1/3的刑期扣減. 以48個月為例, 認罪就可減16個月, 即係判監32個月.

2007-06-29 12:41:43 補充：
根據法例, 在香港監獄服刑的在囚人仕, 是可以得到最多為刑期三份一之"良好行為刑期扣減"(Remission for Good Behaviour), 其作用是鼓勵在囚人仕在獄中奉公守法, 換取旱日出獄. 外邊人通常叫"假期", 但其實是唔啱的. 犯左法, 受緊靶, 邊有得放假咁好吖!!

2007-06-29 12:41:59 補充：
若然在獄中犯左紀律, 佢就會被剝奪"良好行為刑期扣減", 每次最多21日. 其正當名稱係"剝奪刑期扣減"(Loss of Remission), 而唔係"加監" / "加刑". 如果犯左更嚴重事項, 懲教署可選擇報警.

2007-06-29 12:42:48 補充：
犯人在審訊期間被拘留在警署或拘留所(荔枝角 / 大欖)的拘留時間亦會計算在其刑期中. 以你朋case為例, 假設他判監32個月, 在獄中行為良好, 得到全數三份一remission, 而佢由被警察拘捕到判刑, 其被拘留在警署或拘留所時間合共為3個月, 咁佢的實際刑期係:

2007-06-29 12:43:09 補充：
32個月 減10.6個月(良好行為刑期扣減) 減3個月 (拘留在警署或拘留所) = 18.4個月即係實際要坐約18個月多d.