我隻鼠鼠呢!!!!!!!!

鼠鼠主要係靠嗅覺,聽覺同觸覺去分辨事物,所以你伸手埋去,佢會聞下你隻手,睇下係咩唻,其實佢咁都冇咬你,你都唔洗太緊張.

唔敢用手餵佢既話,你可以先隔住個籠餵,就算咬你,你都可以好安全咁縮手,耐左同鼠鼠熟左先再試直接餵啦

記得我第一次養鼠既時候,都會好驚隻鼠咬我,之後有時都會驚既,都會避免俾鼠鼠咬,不過就唔係驚痛,係有一次我俾鼠鼠咬完之後,佢唔放口,我又本能地縮手,就咁拉左佢落地下...所以驚再俾佢咬咁縮手而整親佢
當時佢咬住唔放,其實都唔係好痛,只係正常反應地縮手,所以你唔洗咁驚,鼠鼠多數咬人都唔會太痛,除非你攻擊佢啦,咁就唔知會唔會痛好多,我未試過

鼠鼠咁細隻,雖然d牙好似好鋒利咁,但其實鼠鼠好細膽,你咁大個人,佢驚你打佢多d,多數你一郁就會放口既,特別係你同佢熟左之後

被咬後只需消毒傷口,貼膠布就得,除非你對倉鼠係敏感,先會有問題

講左好多好似唔關事既野,但其實想你明白,俾鼠咬真係唔係幾痛,被咬亦都冇咩後果,最起碼你要有呢個概念先可能練大膽d唔怕被咬

同時了解一下鼠鼠咬人既原因就可以避免俾鼠鼠咬,咬人既原因多數有以下幾個可能:

1)鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間啦!
既然佢驚你你就唔好太強迫佢俾你摸or抱之類住.去沖涼都困難既話,就用物品幫手,好似用食物盆運佢去or用野食引佢去沖,不過小心d唔好趺親鼠鼠呀.
就算買返唻一段時間,都不如試下由頭做起,俾多d安全感隻鼠鼠先啦.
你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
等到你地熟d,好易會做到你一行過佢就行埋唻or冇咁驚你,之後你可以試下伸隻手入籠隻俾野佢食,再熟d再試下掂佢抱佢啦 慢慢唻,俾d耐性,俾心機啦!

2)鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.

3)有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人.

4)太餓,唔夠野食就會亂咁咬,搵野食

5)你手有食物既氣味,鼠鼠有機會會誤以為係食物而咬落去

6)懷孕既鼠都會特別精神緊張,從而成日咬人

其實我以前同你o岩o岩相反....~
我以前唔敢伸隻手俾佢..但係又敢餵佢...~
我認為...既然你伸手俾佢都冇事...~
證明佢已經認定你係冇惡意...
餵野俾佢食係出於好意..試問佢又點會咬你呢!?!?
如果你餵佢o個陣佢真係咬你....
可以係因為佢拎完你手上面o既食物
但仲有食物味留o係你隻手上面...佢以為仲有野食
先會咬你.....因為我都試過......
唔好睇佢地細細粒...其實佢地好懂事架~~!

你同佢玩唔怕
餵佢怕
WHY?
你同佢玩都冇事
餵佢都冇事la
大膽d