怎樣可以整江湖?

1) asp 空間 . 如整世紀類型既則需要支援虛擬目錄
2) 江湖程式
3) 依照教學指示申請空間後 . 下載「ftp上傳工具」 (到雅虎找找一大堆)
4) 使用ftp上傳工具把江湖傳到空間上
5) 開啟空間相對應既網址 >> 成功



靈劍 系列 江湖常見問題

1) 江湖總站的密碼是什麼? 為什麼config.asp寫著123456. 登入時卻出錯?

config.asp寫著的是站長的後台管理密碼 . 要登入高級管理時才需要.
並非闖盪江湖的密碼. 站長的密碼可以開啟golbal.asa/ golbal.asp.
查找mdb的所在file位置.進入file再以mdb檔名開啟.md5解密則可得知.
但呢個方法比較麻煩.建議大家備份數據庫.有靈劍新程式又唔知密碼既.
直接打開果個數據庫 . 將站長密碼copy過去新果個數據庫就ok.
最後將數據庫檔案既副檔名改番做.asa 就可以登入

2) 為什麼首頁的公告顯示不到? 有方法可以解決嗎?

一般來說. somee 呢個空間只係支援英文公告 (以江湖程式來講)
要成功顯示公告 . 大家可以開個新file . 將公告程式放入去 .
然後修改正確既路徑 . 最後用iframe既方式顯示
如果大家覺得呢個方法煩既 . 可以上網下載個公告程式
放上去之後直接用果個都得

3) 為什麼我登入聊天室時不斷顯示出錯 . 要我重新登入?

呢個係因為cookies記錄既問題 . 只要下載個清除ie記錄
執行清除動作 . 之後開過個ie再入就可以嫁啦

4) 為什麼我的江湖會把人踢出去 ?

原因有2個 . 一個個玩家掛網太耐過晒鐘
二係個空間設定左幾多人就會踢人出去
又或者設定左幾耐踢一次人
但一般免費空間唔係太多人在線都唔會有呢個問題
如果有既更新過個江湖就得
golbal.asp/golbal.asa >> 改名做golbal.txt
幾分鐘之後改番做原來既檔案名

5) 我想修改進入聊天室既公告 ? 可以點做?

去 chat/jhchat.asp
好易見到堆登入信息 . 直接改就得

6) 點解我開多個站長名時系統會話我係黑客 ?

因為你冇將個新既站長名寫入config.asp
想加站長直接將該帳號既grade設做11
然後開啟config.asp . 在舊有站長名後加入: |新站長名



天外天江湖常見問題

1) 點解我運行setup.asp既時候唔成功既 ?

因為某D空間唔支援FSO
(但我又唔想搵其他空間喎 . 你知有幾煩嫁啦~點算呀 ?)
直接開啟設定頁 . 冇記錄天外天好似係const.asp
總之係呢堆「con」開頭既 . 搵到有得設定站長名既果頁就係啦
自己改資料 . 之後開啟數據庫 . 直接加筆站長記錄就得
如果大家覺得煩既 . 問下人地有冇整好站長密碼既數據庫俾個你



江湖空間常見問題

1) 點解我開左個江湖 . 但係入左去係人地個江湖來既 ?

一般來講 . 部份免費空間只允許一個英文字母為一個虛擬目錄
例如空間上有人叫 cat . 你叫 cherry
cat整左你想整既江湖 . 你就整唔到
因為佢用左個虛擬目錄 . 你開就會連去佢個網度

2) 點解 somee 有時會顯示唔到網頁 ?

大部份免費空間係有網站流量限制既
當多人上你個網 . 超過左個限制流量
就會出現無法顯示網頁既情況

3) 我好想要某d版本既江湖程式 . 但由簡體繁化左之後用唔到 ! 點算 ?

並唔係個個程式都繁化到 . 想個江湖行到最重要係手動繁化所有數據庫
另外要有個繁體既 註冊帳號既file同check.asp
人地肯唔肯俾就睇你人際關係啦

4) 有時登入 FTP 空間佢會彈舊野出來話無法存取 . 點算 ?

對住FTP空白既地方按右鍵>>登錄>>重新打過名同密碼再入過
如果都係入唔到既 . 即係個網站做緊維護 . 要遲下先入到

5) 有冇辦法去左 somee 空間既廣告 ?

有 . 上雅虎搵消除廣告大把
不過既然用人地既空間就最好尊重番人地
如果空間既管理員發現左可以會冊左個無廣告帳號

6) 嘩 . 呢個勁呀呢個 . 點樣可以自己整server開網呀 ?

詳細程序好難三言兩語講得明白 . 建議買windows建架類型既書來參考下
如果真係好想自己整既 . 俾錢去出面買部人地設定好左既windows server
之後換左舊既主機 . 將買番來果部連接自己既電腦就得
但比較中等既server都唔平 . 真係平果d都唔建議你地買 .
唔洗講呢個世上咩都有 . 有欺騙兩個字

7) 我好想學整江湖 . 需要咩條件 ? 邊度可以學?

學整江湖要對html有一定既熟悉程度 . 因為多數用來美化
另外要識些少asp . 因為江湖用既腳本語言係asp
基本上冇乜人真係教人整江湖既 . 一來整江湖唔係簡簡單單就教到
二來網絡上出現太多江湖 . 一個網既受歡迎度往往大不如前
大家有關於整江湖既問題歡迎試下問我 . 但我唔一定識答
另外如果有人覺得整江湖煩既 . 而又真係好想有個江湖
(要真係好想好想有個江湖果D)
你又有空間同程序既 . 不妨問下我識唔識整
如果得閒既可以試下幫你整
(請確定左果個空間係支援江湖既先搵我幫手啦)
但如果果排唔得閒就愛莫能助啦

$100可以成個江湖程式俾你,有興趣留低msn.我聯絡你