環境科學,Environmental Engineering或Event Management香港或澳洲有冇好出路?

既然你已經有Environmental background，但係又惗住向business發展，而且又對Event Management有興趣，咁就梗係讀又有興趣又有用嗰科啦．

不過，你都可以考慮讀MBA major Event Management（睇上上黎更加有用）．

講返轉頭，Environment Science都幾好架，而家越黎越多人重視，響澳洲出路都唔錯，而且，澳洲而家有好多呢一方面嘅獎學金，而讀business就一定係full pay，而且仲好鬼貴添．

2007-06-27 13:05:01 補充：
可以咁講，讀乜都有出路，讀乜都唔一定有出路．前途好唔好，除咗個人學歷背景外，工作能力，際遇，人際關係都好重要，所謂”天時地利人和”，而其中有D野可以個人控制，有D野就唔得，所謂”盡人事而後聽天命”，響能力範圍內不斷自我增值係”不變既硬道理”．而家社會出現嚴重”人力資源錯配”，讀乜野同做乜野既關係真係唔係咁大，不過，所學所知，到某一日用得著既時候就係自己既本錢（你有人地冇，你識人地唔識）．分析你既情況，如果想向工程／技術方面發展，理論上讀Enviornment比較好（碩士唔多夠使，最好攞埋博士學位），如果想響商界發展，咁讀Management就會比較有實際幫助．