想開刀生產

開刀生唔係好痛,我諗驚多過痛囉,因為我開刀生時係半身麻醉,所以知道過程係點
佢會有塊布遮住睇唔到d血淋淋情況
當切開左個肚時就會feel到有幾隻手向我個胃附近向下推咁,全個手術過程最痛都係呢度,因為係感覺到醫生又推又禁個肚,會有少少唔舒服,但係又未至於痛,其實係驚,因為唔知發生咩事。想知有幾痛自己用力禁下個胃就知

開左刀後,真正既痛就黎啦
係陰d陰d咁,訓向度唔郁就唔痛,掂個肚或者要轉身先痛,同埋要坐起身果下就最痛囉,但係全部都係絕對可以接受既痛,比跌親整損既傷口痛一倍左右啦~
最緊要挨過頭一星期,之後就去街都唔會有問題,想做乜都做到(除左彎低身)

我個人認為開刀生一定由陰道生咁痛,因為由陰道出既陣痛可以大過剪會陰喎!
開刀既傷口一定唔會比剪會陰痛!
同埋剪左下面之後,我有親戚成兩個星期都唔坐得,要坐果d水泡,仲陰公

2007-06-28 20:04:57 補充：
當然如果係由陣痛到生左出黎只係兩三個鐘既人,一定係話順產好,因為痛既時間短但係要咁易生到一定要大肚時做多d運動,如果你自問係大肚日日訓向度乜都唔做,你最好唔好諗自己生啦我有個fd就係大肚時淨係識食同訓,耐唔耐行下街,結果向產房訓向度陣痛左足足二十個鐘,子宮都係開得4度,隔離有其他產婦同佢一齊生,人地生完走埋佢都仲係訓向度等,結果佢痛得濟,醫生幫佢開刀。咁佢就唔抵啦,痛左廿個鐘係白痛。

it's not that bad after all, as i also 開刀, more than 3 months now, i feel very ok, sore only straight after day but it's acceptable, need to walk slowly in the hospital.

其實自然分娩同開刀一樣痛，自然分娩係生果時痛，但之後恢復得快d，而開刀生果時就唔痛，事後傷口會好痛，恢復冇自然分娩咁快。我個人經驗就覺得自然分娩都唔係好痛，而且事後都唔記得，如果可以最好係自然分娩。

我覺得自然生產冇咁痛, 但係又未至於十級, 我初時都好驚, 生左之後, 又覺得 : 都唔係好痛姐, 人地話十級痛? 車, 厄你咋 ....

其實開刀生產和自然分娩一樣都要經過十級痛的痛楚。
而開刀生最多只可以生2-3個小朋友，而且對身體冇咁好。所以就算痛少少都要自然生。

幾十級痛楚

生產是痛 痛!