被即日解雇, 想追返7天代通知金,應該係邊間勞工處備案?

你老闆好衰呀......炒你唔賠錢
1. 你公司地址係屬於邊區, 如果公司地址係葵芳, 禁你就要去葵涌勞工處備案, 如果係香港仔, 就要去西環,
2. 拎齊晒所有文件, 請你封信, 炒你封信, 總之拎齊公司俾你的文件, 怕拎漏,

之後, 勞工處會出一封信, 約一個時間, 叫你公司負責人出來同你對質, 會幫你問清楚, 你公司係唔係無補7日代通知金, 不過....勞工處好褊幫老闆, 你一定要有晒証據, 你俾公司無理炒兼唔俾7日代通知金.

2007-06-26 16:16:37 補充：
下....以你個Cause, 表面來講...你公司係要俾7日代通知金, 不過...請問你有無簽個份證明, 最好唔好簽..如果真係簽左.....就要睇下勞工處點樣幫你, 而家最重要做的事, 快d去勞工處,

任何合約都唔可以抵觸勞工法例，所以炒你個封信佢寫咗唔比通知期係唔合法既，除非封信寫埋你犯咗嚴重過錯，而你又簽名認同，所以你一定可以去勞工處或勞資審裁署告佢，如你唔係咁識做你可以去工聯會，佢地會有幹事幫你，不過要比入會費，睇你做邊行，會費有所不同，花少少錢好過你盲中中去搞。

你可以去勞工處問吓既, 不過我諗你老細都做定晒嘢啦, 佢係封信到打行咁既字, 而你又簽咗, 佢可以話你係同意先簽既, 不過你都可以用話根本睇唔到呢句嘢嚟打既, 不過最緊要都係去咗勞工處先, 問吓佢哋意見囉, 就算攞唔返錢, 都等勞工處知道有間咁既公司, 我以前間公司唔肯俾返啲大假錢我同事, 佢去勞工處告佢, 跟住就有人走上公司同啲員工講話, 知唔知做落幾耐有假架, 你哋唔好俾人呃吖咁

本人亦試過此情況....第一點,有冇簽合約??合約有冇註明如果僱主解雇....期用試內會多小日通知?如果冇特別證明.就係跟足勞工法例.......(一星期至一個月雙方只要一日通知)(一個月至三個月雙方就要7日通知)(三個月以上要一個月通知)建議睇清楚份合先....<<<因為我朋友試過簽過一間工司的合約....試月期內員工如果要離識就跟勞工法例,如果係試月期內老細解雇只要一日通知,即係即時>>>如果合約冇寫....僱主又唔肯比返錢你...先去勞工處,因為勞工處都係出警告信....我知荃灣間勞工處可以備案,...........
或者致電勞工處:2717 1771查詢

你做夠一個月未? 做夠先有7日通知
anyway.. 其實去邊間勞工處都得, 不過最好去番公司嗰區囉..