✔ 最佳答案
1.了解一下鼠鼠咬人既原因就可以避免俾鼠鼠咬,咬人既原因多數有以下幾個可能:
a)鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間啦!
既然佢驚你你就唔好太強迫佢俾你摸or抱之類住.去沖涼都困難既話,就用物品幫手,好似用食物盆運佢去or用野食引佢去沖,不過小心d唔好趺親鼠鼠呀.
就算買返唻一段時間,都不如試下由頭做起,俾多d安全感隻鼠鼠先啦.
你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
等到你地熟d,好易會做到你一行過佢就行埋唻or冇咁驚你,之後你可以試下伸隻手入籠隻俾野佢食,再熟d再試下掂佢抱佢啦 慢慢唻,俾d耐性,俾心機啦!
b)鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.
c)有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人.
d)太餓,唔夠野食就會亂咁咬,搵野食
e)你手有食物既氣味,鼠鼠有機會會誤以為係食物而咬落去
f)懷孕既鼠都會特別精神緊張,從而成日咬人
2.冇方法控制一胎生幾多隻,大約,係由2-20幾隻都有機會
母鼠年紀細生,只係增加因生產而死亡既機會
但真係好希望你考慮清楚先好繁殖,因為真係會有好多好多問題,詳細原因同埋鼠鼠生bb要留意既事,可以到以下我回答既知識度睇下:
http://hk.knowledge.yahoo.com/question/?qid=7007061600723
3.通心粉鼠係沙鼠唻既,都係倉鼠科既鼠
曾幾何時都有興過,但我就未養過,因為沙鼠有條長長地既尾,所以我就唔太鍾意,但我記得當年睇到d人養話好難
唔知香港邊度有得買,或者你可以打去d寵物店度問下,但建議你了解左沙鼠係點先好買呀.
2007-06-26 16:46:40 補充：
之前仲聽講,沙鼠跳既能力同破壞能力都比一般倉鼠強,所以有膠同木既地方都好易俾沙鼠咬爛,之後就好易走佬,就算好高既地方咬爛,都可能跳到出唻
2007-06-27 00:22:22 補充：
你話佢唔飲水,佢係完全唔飲水?正常唻講夏天會飲得多d水架喎,會唔會係個水樽出水有問題?飲唔到水亂咬人都唔奇如果水樽冇問題都唔飲水,似係有唔舒服多d,留意多d佢身體同排泄物有冇異常,記得小心處理,唔係冇飲水又咁熱就好易中暑
2007-07-03 00:41:52 補充：
由你發問到而家都一星期了,一星期完全唔飲水?咁好嚴重咁,佢仲有冇其他問題?唔會話邊隻鼠會冇咩排泄物既,有食野就應該有排泄物,但都要留意會唔會佢自己食返晒呢?佢可能便秘,便泌既資料可以到以下我回答既知識度睇下,補充冇咩位,麻煩一行
http://hk.knowledge.yahoo.com/question/?qid=7007061900564
