23歲仲末拍過拖, 會吾會好奇怪?(女仔黎幫下手)

你話大個左難對人有心動既感覺，其實只係你未遇到真命天子啫。23歲都唔係好遲，思想都應該成熟，前途一片光明添啦，識女仔係要講緣份，唔好強求，正如你所講，有時都識到人架，不過唔夠膽試，亦唔知點做啫。有心就得啦，你有佢心，再加埋誠意，真係有緣份既，加上呢兩樣，好容易馬到功成。舉個例，你對某人有好感，可以試下同佢做朋友先，慢慢傾啲深入啲既話題，例如，講下自己屋企既野，當然唔係叫你咩都講晒，只係揀啲令人聽落唔太悶既，又可以乘勢問下佢屋企啲野，佢又肯同你講既話，已經係好既開始。再問下佢鍾意咩類型既男仔，如果佢所講既同你唔合，都唔使灰心，盡量發揮下你既好處俾佢知，或者有日佢會改觀呢﹗總之，唔好講大話，女仔最憎人唔誠實，俾啲心機啦。

至於點樣搵到真正既miss right，講真，就算拍拖之後，認定係終身伴侶又點﹖結左婚都可以離婚。無咩所謂miss right定律﹗只要你合眼緣，佢又合眼緣，呢一刻就係mr & miss right﹗

其實都5係既...只係你未遇到"愛"既人姐...留意!係愛!通常到左23歲,個人捻野已經係幾成熟...距會做d有結果既野,5會再講求十幾歲時期ge戀愛,距ge感情可能會無甘"激"lo,所以先至令到你有"人大左就難對一個人有feel, 愈難有心動的感覺"呢隻感覺姐....你話"有時学下其他野識到其他人(包括有好感既人)",如果你對人地有好感就追人啦...如果5係,可能時間耐左,你連呢少少好感都忘記埋.到時真係好難再對人有感覺lu...Good luck!

我今年都二十二歲啦！我都未拍過拖，
我都有不少的男性朋友，但係我就係冇去拍，
我係想揾個真正啱自己，自己鐘意既，而人地又係真心鐘意自己既人，
不過緣份呢樣野冇得強求，
冇女朋友，可以享受一個人自己生活，
多D約朋友出來聚舊，都會好開心既事
希望你能夠找到你MISS RIGHT 啦 =)

23歲仲好細, 末拍過拖唔出奇.

正所謂寧缺勿濫, 是但搵個容咩易,

但正好Miss Right 出現點算.

人愈大就愈難對一個人有feel, 正常o各,

開始知道自己追求咩 ya ma!

話你知, 在你最無預備的時候,

真命天子會突然出現,

到時你連上綱和我們吹水都無時間, 嫌煩添呀!

"人大左就難對一個人有feel, 愈難有心動的感覺"
其實唔係既 可能根本你未遇到你既Miss Right je
莫講話終身伴侶 我覺得連拍拖都好講緣份(係行左d) 不過我真係咁覺得
23歲末拍過拖 (雖然依家小有d) 不過都唔係好奇怪je
你是但識個女仔 梗係冇feel 啦 都唔係真正遇到
唔係話叫你唔好去識 你可以留意下你身邊既環境 同事呀個d

2007-06-26 12:21:22 補充：
我反而覺得最煩既係你要成日外国出trip咁會好冇安全感如果咁岩你識到你既ms right 你又話要去外国.......