NDSL - 美女餐廳 (10分)

Level 9我都玩咗好多次先過到關, 其實秘技我都唔係咁清楚, 之不過玩咗咁多次之後, 可以分享吓我過到關既經驗~!

1.其實一開始仲未係咁多客人既時候, 可以先到接待處, 等到客人既心心滿咗先帶佢入座, 咁佢地叫小食既機會都會大d! (但係動作都要快~~)

2.成日傾電話既生意人, 最好盡量安排佢地坐bar枱, 因為佢地好嘈, 會影響到其他客人既心情下降! 同埋盡可能招呼佢地多d, 例如佢地既心心下降, 就比d野佢地飲, 同埋盡上菜比佢地, 因為如果佢地個心心full哂既話, 比貼士都多d仲會易d叫甜品食架~! (其實我發現坐bar枱既客人埋單時會多d錢架, 所以都可以安排其他客人坐!!)

3.一家大細既客人就唔好比佢地坐bar枱, 因為坐咗bar枱就唔可以加"bb椅", 咁個bb就會成日喊, 都會影響到坐係隔離既客人!

4.如果座位滿哂又有客人等緊位既話, 記得要留意等位客人既心心呀, 如果有心心只得返好少, 就要抽時間到接待處填一填返d心心先, 因為如果客人走咗既話就要扣$500, 咁呢舖就唔洗再玩, 玩過另一次都得架la~!

5.當座位滿哂但係客人既心心只得一半既時候, 咁就可以call琴師出黎幫手, 但係要小心會按錯咗叫咗待應出黎喎, 因為我覺得待應無乜用, 琴師就可以令到客人既心心滿返架~! 所以要留意, 而我會於接近尾聲的時候(約9千幾分又滿座既時候)先會call琴師幫手...

6.盡可能安排同顏色的衫坐返同顏色的椅子上, 咁樣都可以高分d架, 因為如果張椅子上面有數字3字, 咁您又安排到同顏色衫的客人坐上去, 咁樣分數(100分)就會x3架, 即係會有300分架~! 同埋到最尾果陣果幾張枱, 可以比多d飲品比客人, 咁樣叫甜品既機會會高d!!!(因為我試過玩到最尾一張枱, 心心係full既, 所以無比到飲品佢地, 點知佢地埋單無叫甜品, 我既分數係13960, 差40分呀, 真係激死, 所以就算心心full咗, 都要照比野飲佢地呀~!)

以上都係我玩咗咁多次之後發現要重點留意既事項~! 同埋最緊要係動作一定要快呀!!! 咁樣都可以額外有多d分架~! 希望可以幫到您啦~!!!
我雖然過到level 9, 但係都仲有level 10呀, 我都未過到呀~! 大家一齊努力啦~~~