急問！！想問由鴨利洲個邊搭咩可以去到基道中學？唔該呀～～thx~

你去考Oral呢，等我幫你啦！
搭車出香港仔隧道灣仔出口之後第一個站落車，之後過馬路去到南洋酒站嗰個過海巴士站搭115。你最好坐上層前端，因為當架車去到某個位，成間學校就會突然喺你正前方大約三百米出現，間學校係綠綠地色嘅，外牆打直寫住中華基督教會基道中學，你見到之後即刻按鐘落車。
落車之後向前行，過馬路，你會見到一間保良局嘅學校，過完馬路之後轉左，行到路口轉右，再直行就到。
你放心，如果你唔識搵嘅，跟住啲人行就無問題，嗰頭得佢一間學校做Oral試場。

2007-06-25 23:44:57 補充：
如果無塞車嘅，115嗰程車半個鐘頭內必到基道中學。

2007-06-26 08:30:54 補充：
107都得嘅，但要搵下，你未去過嘅話唔建議你搭，115就唔使搵，另外，115車費為$8.9。

到香港仔坐107號隧道巴在土瓜灣落車，由土瓜灣道入銀漢街，行到街尾見崇安街28號便見，約三十分鐘(視乎紅隧塞不塞車)