救麻雀bb

應該買BB鳥奶粉, 溝水再用針筒餵佢, 佢仲未識自己食架, 大約一個鐘食一次 ~
如果未買到野食,可以用飯浸淋比佢食住先!
如果想知佢食夠未, 你用手指指住佢個口, 睇佢有冇張開口咪知囉(通常要食野佢對翼會震架), 如果佢食飽,你再比野佢,佢都唔會張開口!
唔好比佢吹風呀, 佢無毛保唔到暖架!

我養大左2隻麻雀bb,,而家已經1歲喇~ 佢地半歲就已經識自己食野&飲水~
麻雀係可以養架~

2007-06-26 19:26:43 補充：
因為佢出世冇耐,隻腳仲未識企架, 所以個肚成日會貼住地下, 咁就會掂到d便便, 你要密d幫佢更換紙巾呀!!得閒時,可以用手渣住佢等佢訓覺, 咁樣可以比溫暖佢, 同埋令佢覺得有安全感, 佢地好鐘意架,,訓慣左佢會追住你隻手,等你渣住佢架!!佢未洗沖涼住架, 到左個多月大, 你比兜水佢, 佢會自己沖架,不過沖完一定要搵風筒幫佢吹乾, 但唔好咁近吹呀, 要吹下停下咁~到佢學行學飛既時候, 佢就會係咁跟住你架... 如果仲有d咩問題唔識, 歡迎問我架~

首先, 我要講明麻雀不是肉食的動物, 若好似上述個位回應者所做, 將D豬肉切成粒粒餵佢食, 好坦白講, 十居其九隻bb雀會同你講 ~~bye bye! 這是不可能的>.<
請不要亂講, 分分鐘佢會被"梗死"!!

BB 嘅飼料可以向雀仔街度買, (向花墟正門右轉第一間), 以水混和用餵飼針筒給予餵食,
~~若沒針筒, 可用"老麥"嘅咖啡膠捧,
(若混"結"一點, 牠會易飽一點, 便便會結一點, 若奶粉混得稀, 便便會很水, 且牠會很快叫肚餓)^^

** 但知道而家雀仔街好似未解封, 有可能買唔到飼料粉, 但你可一試啊^^
若果真係買唔到的話, 可以到九龍城有間雀仔鋪入面買一包用來餵 "八哥"(好似了哥的雀) 的飼料, 一粒粒黃色的, 你同老板講 "要炒蛋個隻"(因為易於存放)回家後,
攞十幾粒出嚟用"匙更"壓碎,再用熱水攪拌, 待暖一些就餵給BB 食, 記住不要太急啊!

不過我嘅忠告係~ 麻雀係養唔到，因牠是野生的, 但你可試試養到差不多唔飲奶時，train 佢出嚟玩玩，比佢試下跳下試飛!　等佢會唔會飛走，唔走的話就恭喜你啦＾＾

**其實我都照樣收養一些人家拾回來的雀, 之前一個月我都照收, 明白到而家有禽流感, 所以會小心一點, 只需要拾回來時將牠隔離, bb就幫佢抺身, 大一點或是成年雀我會給牠洗澡, 吹乾後放在另一個雀籠, 觀察幾天後ok沒異樣就可以跟其他雀一起玩, 所以無需太怕嘅!

我試過養汁返黎o既雀仔，
點餵佢呢?好易，只要叫呀媽每日買餸時，買多少少豬肉，
再將豬肉切成粒粒(好似黃豆咁大粒)，生勾勾咁餵佢食十粒八粒，一日餵兩三次，唔需要煮熟d肉，如果發現佢仲係好嘈咁瓜瓜叫，又成日張大個口，就可能要餵多幾粒。
就係咁，都養左好耐，不過就唔係次次都成功，有好多次都係死左，不過都試過養大佢，不過佢長大後就飛走左。
不過呢d都係好耐之前的事，果時冇禽流感，而家養雀就危險d囉。